Вакансіі ў «Нашай Ніве»: 1) галоўны рэдактар расейскамоўных рэсурсаў, 2) рэдактар расейскамоўнай стужкі навін, 3) перакладчык з беларускай мовы на расейскую
Праца на поўную загрузку.
29.02.2024 / 17:19
Галоўны рэдактар расейскамоўных рэсурсаў «Нашай Нівы», патрабаванні: салідны журналісцкі або рэдактарскі досвед, дасканалае валоданне расейскай мовай, здольнасць працаваць у камандзе, жаданне кіраваць і ўменне нарошчваць аб'ёмы прадукцыі.
Рэдактар расейскамоўнай стужкі навін, патрабаванні: дасканалае валоданне расейскай мовай, жаданне працаваць са стужкай навін, уменне бачыць важнае і рэрайціць.
Перакладчык з беларускай мовы на расейскую, патрабаванні: дасканалае валоданне расейскай мовай, уедлівасць, метадычнасць і хуткадзейнасць. Перакладаць трэба шмат і хутка.
На гэты момант мы дзеля бяспекі працуем толькі з людзьмі, якія не ў Беларусі. Праца па афіцыйнай дамове, заробак на картку. Рэдакцыя дапамагае ў легалізацыі пры патрэбе. Выдатны калектыў.
Дасылайце інфармацыю пра сябе + спасылкі на свае сацыяльныя сеткі + усё, што можа сведчыць на вашу карысць на nivanasha@proton.me. Можна высылаць і прыватна ў сігнал і тэлеграм тым рэдактарам і журналістам «Нашай Нівы», якіх вы ведаеце асабіста, калі вы лічыце гэта больш бяспечным для сябе.