ЗША адкрыты для паляпшэння адносінаў з Беларуссю, але не адмаўляюцца ад сваіх прэтэнзій і патрабаванняў да ўрада гэтай краіны, перш за ўсё ў праваабарончай галіне.
Гэта пацвердзіла ў сераду, выступаючы ў Амерыканскім прадпрымальніцкім інстытуце ў Вашынгтоне, профільны памочнік дзяржсакратара ЗША Вікторыя Нуланд.
Яна выказала меркаванне, што «мяч» цяпер на баку беларускіх уладаў.
«Мы ўжо шмат гадоў падтрымліваем дыялог з урадам Беларусі наконт нашай занепакоенасці сітуацыяй з правамі чалавека, палітычнымі ўмовамі для праявы іншадумства, — патлумачыла яна.
— На працягу апошняга года мы назіраем, што беларускае кіраўніцтва вельмі няўтульна сябе адчувае перад тварам бінарнага выбару.
Я сустракалася ў верасні на сесіі Генеральнай Асамблеі ААН з прэм'ер-міністрам Беларусі
і казала яму, што яны шмат зрабілі для сваёй краіны, ператварыўшы назву Мінска ў сімвал мірнай дамоўленасці».
«Мы па-ранейшаму адкрыты для больш цёплых і інтэграваных ўзаемаадносін з Беларуссю пры паляпшэнні праваабарончай сітуацыі, — працягвала Нуланд. — Мы выказалі ўраду Беларусі шэраг канкрэтных меркаванняў. Нам удалося зрабіць некалькі маленькіх сумесных крокаў: мы зараз зноў выдаем там візы на ўзаемнай аснове».
«Але, зноў-такі, усё гэта знаходзіцца ў руках у іх кіраўніцтва, - падагульніла свае развагі дыпламат.
- Ці хоча яно павесці сваю краіну ў кірунку большай адкрытасці і дэмакратычнасці. Мы б, вядома, былі гатовыя на гэта адгукнуцца»
