У Ружанах быў арганізаваны фэст «Ружанская брама». Арганізаваў яго райвыканкам, але сапраўдны фурор на ім зрабілі працы 80-гадовага народнага майстра Мікалая Тарасюка. Чалавек выканаў з дрэва смелую сатыру на Аляксандра Лукашэнку. І суправадзіў дасціпнымі подпісамі на мясцовым дыялекце: «Лягчэй на каньках катацца, чым хазяйствам занімацца».
80-гадовы рэзчык Мікалай Тарасюк выканаў сатыру ў дрэве.
Скульптуры суправаджаюцца дасціпнымі подпісамі.
Лукашэнка выступае...
...але не ўсе яго слухаюць.
Публіка высока ацаніла, хоць некаторыя спачатку і палохаліся.
Беларусь вачыма народнага майстра.
Народны майстар Беларусі Мікалай Тарасюк жыве ў вёсцы Стойлы на Пружаншчыне.
80-гадовы народны майстар з вёскі Стойлы Пружанскага раёна — рэзчык па дрэве. Ён мае ганаровае званне Народны майстар Рэспублікі Беларусь. Ягонай творчасці прысвячаліся цэлыя альбомы.
Свята было арганізаванае Ружанскім райвыканкамам у паўразбураным Ружанскім замку для прэзентацыі дыска «Кнігазбор роду Сапегаў». Было і тэатралізаванае прадстаўленне, і лазернае шоу. Але сапраўдным шоу стала выстава народных майстроў.
Тарасюк выставіў на ім фігуркі, падобныя да прэзідэнта адной усходнееўрапейскай краіны.
Персанаж то выступае з трыбуны, то стаіць на каньках. А народ вакол жыве сваім жыццём. І нават публіка ў зале правадыра не слухае, займаецца сваімі справамі. Усё, што думае пра сітуацыю ў краіне, рэзчык выказаў у раскладзеных тутсама подпісах. Часам гумарыстычных, часам злых, напісаных на мясцовым дыялекце.
Публіка высока ацаніла творы свайго земляка, хоць некаторыя спачатку і палохаліся.
А вось відэа пра народнага майстра:
