У Мінску працягваецца грамадскае абмеркаванне забудовы раёна былой вёскі Вяснінка, дзе за апошнія гады палітычнай эліце раздалі некалькі дзясяткаў надзелаў пад будаўніцтва прыватных дамоў. Гэты раён атрымаў неафіцыйную назву «Дразды-2».

Асноўную ўвагу распрацоўшчыкі праекта дэтальнага планавання надзяляюць сацыяльна-забаўляльным аб’ектам – гатэлю, тэніснаму цэнтру, Цэнтру мастацкай гімнастыкі…

Аднак насельніцтва цікавіцца не гэтым. У «Драздах-2» запланаваныя новыя ўчасткі пад будаўніцтва. Таму гараджане, чые дамы ідуць пад знос, просяць выдзеліць ім гэту зямлю ў якасці кампенсацыі.

«Наша Ніва» прааналізавала ранейшую карту забудову і тую, якая, найхутчэй, будзе прынята па выніках грамадскага абмеркавання нягледзячы на абурэнне грамадзянаў.

Паводле дакумента, прадугледжана стварэнне пяці новых участкаў пад катэджы, адзін з іх – на беразе вадасховішча.

Хто атрымае магчымасць пабудаваць катэджы?

«Яны ўжо размеркаваныя і аформленыя», — патлумачыла прадстаўніца «Мінскграда» Вольга Філатава, адказваючы на пытанне пра ўчасткі, спраектаваныя ў «Драздах-2».

Такім чынам, мінчукі, чые прыватныя дамы ідуць пад знос, не змогуць прэтэндаваць на месца ў Вяснінцы.

Без элітнай нерухомасці ў Драздах пакуль застаюцца старшыня Мінгарвыканкама Андрэй Шорац, старшыня Мінаблвыканкама Сямён Шапіра, старшыня Следчага камітэта Іван Наскевіч, міністр юстыцыі Алег Сліжэўскі, міністр інфармацыі Лілія Ананіч і некаторыя іншыя высокія чыноўнікі.

* * *

Чытайце таксама:

Ад Абельскай да Ярмошынай: уладальнікі катэджаў у Драздах, поўны спіс

Клас
0
Панылы сорам
0
Ха-ха
0
Ого
0
Сумна
0
Абуральна
0

Хочаш падзяліцца важнай інфармацыяй ананімна і канфідэнцыйна?