Таксама PGNiG інфармуе, што на цяперашні момант усе пастаўкі робяцца ёй кліентам у адпаведнасці з іх патрэбамі. Польскія кампаніі — GAZ-SYSTEM і PGNiG — пастаянна манітораць сітуацыю, звязаную са спыненнем паставак з боку «Газпрама».

У PGNiG запэўніваюць, што гатовыя да атрымання газу з розных крыніц, у тым ліку праз газавыя злучэнні на заходняй і паўднёвай межах краіны, а таксама тэрмінал імпарту звадкаванага газу ў горадзе Свінаусце.

«Баланс дапаўняецца ўласнай здабычай газу і запасамі паліва, назапашанымі ў падземных сховішчах газу. Цяпер узровень запаўнення сховішчаў складае каля 80 адсоткаў, што значна вышэй, чым у аналагічны перыяд мінулых гадоў», — гаворыцца ў паведамленні PGNiG.

Раней польскія СМІ паведамлялі, што магчымая прычына прыпынення адгрузкі газу ў тым, што Польшча адмовілася плаціць за яго расійскімі рублямі. Неафіцыйна вядома, што тэрмін разлікаў за газ у расійскай валюце скончыўся ў мінулую пятніцу. 

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру