Функцыянерка партыі «Адзіная Расія» ў Белгарадскай вобласці Галіна Шапавалава прыйшла на цырымонію памяці ахвяр Чарнобыля ў сукенцы з надпісам Party. Па-англійску гэтае слова азначае «вечарынка», «вясёлая тусоўка».
Абласное аддзяленне партыі паспрабавала патлумачыць выбар сукенкі Галінай Шапавалавай, але толькі выклікала яшчэ больш кпінаў.
«Будучы дыпламаванай спецыялісткай у галіне замежных моў, сакратар палічыла, што гэты надпіс азначае слова «партыя», таму і зрабіла выбар на карысць гэтага ўбору», — гаворыцца ў паведамленні белгарадскіх адзінаросаў.