Nasha Niva
  • Навіны
  • Вайна
  • Эканоміка
  • Грамадства
  • Усяго патроху
  • Культура
бел Ł рус
  • Тэсты
  • Усяго патроху
  • Здароўе
  • Нерухомасць
  • Моды
  • Ежа
  • Навука і тэхналогіі
  • Надвор'е
  • Каханне і сэкс
Нерухомасць
Фота 18 з 22
14.05.2022 / 22:25
Бел / Łac / Рус

Колькі каштуюць і як выглядаюць самыя дарагія кватэры абласных цэнтраў? Інтэр'ер некаторых вас уразіць

На мінулым тыдні «Наша Ніва» рабіла агляд самых дарагіх кватэр сталіцы. Агулам у Мінску прадаецца больш за 20 кватэр коштам вышэй за мільён даляраў. Гэтым разам мы вывучылі самыя дарагія прапановы ў абласных цэнтрах.

Брэст. Элітны раён у паркавай зоне

Самая дарагая кватэра ў Брэсце выстаўлена на продаж за 360 тысяч даляраў. Гэтак гаспадары ацэньваюць 5-пакаёвую кватэру ў цэнтры горада ў доме 1954 года пабудовы. Аб’ект чымсьці нагадвае сучасныя таўнхаўсы. Бо апроч самой кватэры вы атрымоўваеце кавалак агароджанага ўчастка з зонай адпачынку і гаражом. З 228,2 м² агульнай плошчы жылой толькі 70,7 м². 

Кватэра трохузроўневая. На цокальным паверсе месціцца саўна, санвузел, пакой для адпачынку, пральны і гаспадарчыя пакоі. На першым паверсе тры пакоі з частковым рамонтам, на мансардзе — кухня-гасцёўня і дзве спальні. 

«Элітны раён у паркавай зоне. Магчымы вывад у нежылы фонд з перапрафіляваннем пад камерцыйную нерухомасць», — напісана ў аб’яве. 

Нягледзячы на высокі кошт, інтэр’еры кватэры наўрад ці змогуць кагосьці ўразіць. Некаторыя памяшканні выглядаюць так, што ў іх без праблем можна здымаць фільмы пра жыццё наменклатуры СССР. 

Высокая цана абумоўлена не наяўнасцю дызайнерскага рамонту і дарагога абсталявання, а размяшчэннем кватэры і плюшкамі ў выглядзе раскошнага сада і гаража. 

Другая і трэцяя па дарагоўлі кватэры Брэста прадаюцца ў новабудоўлі па вуліцы Леванеўскага, што побач з цэнтральным паркам, у квартале, забудаваным у 1920—1930-я пад патрэбы эліты ў часе, калі горад быў ваяводскім цэнтрам міжваеннай Польшчы. 

Цана 4-пакаёўкі з агульнай плошчай 220,4 м² складае 335 000 $, кватэра плошчай 212,9 м² каштуе 324 000 $. За гэтыя грошы вы атрымліваеце памяшканні з голымі сценамі.

Агулам у Брэсце прадаецца 10 кватэр, цэны на якія перавышаюць адзнаку 200 тысяч даляраў.

Віцебск. «Гіпермаркет у пешай дасяжнасці»

У Віцебску найдаражэйшая кватэра прадаецца за 197 000 $.

«Прасторная кватэра з прыемным рамонтам у скандынаўскім стылі ў самым цэнтры горада на беразе Заходняй Дзвіны. Дом маналітны, цёплы, 2011 года пабудовы. Выдатны панарамны від на раку і Тры штыхі з усіх вокнаў. Незвычайнае (але законнае) перапланаванне», — апісваюць сваю «трошку» гаспадары.

Плошча — 71 м². Уласнікі абяцаюць часткова пакінуць мэблю і тэхніку новым гаспадарам.

Сярод іншых пераваг, на якія ўказвае прадавец, — гіпермаркет і кавярня ў пешай дасяжнасці. 

На другім месцы па дарагоўлі ў Віцебску знаходзяцца адразу тры кватэры. Усе яны ацэнены ў 130 тысяч даляраў. Адна з іх — самая прасторная — мае агульную плошчу 139,2 м² і жылую — 112,4 м². Кватэра двухпавярховая, месціцца на вуліцы Савецкай. 

«Нестандартная двухузроўневая кватэра ў Віцебску з камінам. Шэсць жылых пакояў, кухня-гасцёўня 32 «квадраты», два санвузлы», — гаворыцца ў апісанні.

Гомель. «Пасажырскі ліфт, у парадным заўсёды чыста»

Самая дарагая кватэра ў другім па насельніцтве горадзе Беларусі прадаецца за 250 тысяч даляраў. Столькі просяць за двухузроўневую кватэру ў доме 1996 года пабудовы з кансьержам. Агульная плошча чатырохпакаёўкі — 141,7 м². 

«Шыкоўная кватэра з відам на лесапаркавую зону ў ціхім і камфартабельным раёне. Маецца кансьерж, пасажырскі ліфт, у парадным заўсёды чыста. Дзве лоджыі, абабітыя вагонкай, на кожнай ёсць кладоўка. У кватэры маюцца два туалеты, душ, прасторны ванны пакой, дзе вы зможаце расслабіцца пасля працоўнага дня», — вабіць аб'ява.

Інтэр'ер самай дарагой кватэры Гомеля дапаможа вам апынуцца ў атмасферы заможных кватэр 1990-х гадоў. 

Другая па дарагоўлі кватэра ў Гомелі прадаецца за 170 тысяч даляраў. Столькі просяць за трохпакаёўку ў цэнтры.

«Кватэра для VIP. Дом размешчаны ў гістарычным цэнтры горада. Ціхае і спакойнае месца для камфортнага пражывання. Побач знаходзіцца фізкультурна-аздараўленчы комплекс, крамы, рэстараны, прыпынкі грамадскага транспарту, дзіцячы сад, школы», — апісваюць жыллё.

Кватэра выстаўлена з італьянскай мэбляй прэміум-класа.

Агулам у Гомелі прадаецца 15 кватэр з цаной ад 100 тысяч даляраў і вышэй.

Гродна. Кватэра з відам на Стары горад

Самая дарагая кватэра ў Гродне ацэнена ў 216 500 даляраў. Столькі просяць за 5-пакаёвую кватэру ў новабудоўлі. Дом месціцца на правым беразе Нёмана ў непасрэднай блізкасці ад «Макдональдса» і абласной філармоніі. 

«Унікальная двухузроўневая 5-пакаёвая кватэра з відам на стары горад у прыгожым «разумным» доме», — гаворыцца ў апісанні. Агульная плошча 156,93 м², жылая — 100 м². Дом пабудаваны сёлета, за гэтыя грошы ўласнік атрымлівае кватэру без унутранай аддзелкі.

Другая па цане кватэра ў Гродне прадаецца за 199 тысяч даляраў. У такую суму ацанілі трохпакаёку, якая месціцца ў элітным доме насупраць аўтавакзала. 

Агульная плошча 144,1 м², жылая — 108 м².

«Эксклюзіўная кватэра з добрым дызайнерскім рамонтам, у цэнтры горада», — гаворыцца ў апісанні.

Усяго ў Гродне прадаецца звыш 20 кватэр коштам ад 100 тысяч даляраў.

Магілёў. Найлепшы пентхаўс горада

Самая дарагая кватэра ў Магілеве каштуе 299 тысяч даляраў. У такія грошы ацэньваюць пентхаўс у цэнтры горада. 

Пяціпакаёвая кватэра месціцца на 22-паверсе. З тэрасы адкрываецца прыгожы від на горад і раку Дубравенка. Агульная плошча 279 м², жылая — 151 м².

«Прадаецца адзін з найлепшых пентхаўсаў горада Магілева. Рамонт выкананы высакаякаснымі матэрыяламі, што дазваляе заехаць і жыць без дадатковых укладанняў. Сярод шуму штодзённасці і пастаяннай актыўнасці жыцця вы будзеце мець прастору без лішніх дэталяў, поўную прыгажосці і святла», — нахвальваюць у апісанні.

Апартаменты прадаюцца разам з мэбляй і бытавой тэхнікай.

Другая па дарагоўлі кватэра ў Магілеве прадаецца за 190 тысяч даляраў. Агульная плошча кватэры 172 м².

«Элітная двухпавярховая (5, 6 паверх) кватэра ў цэнтры горада з дызайнерскім рамонтам, дарагой мэбляй і італьянскай пліткай. Дом з кансьержам, спакойны ціхі двор», — гаворыцца ў апісанні.

Агулам у Магілеве прадаецца больш за 20 кватэр коштам ад 100 тысяч даляраў.

Чытайце таксама: 

Колькі каштуюць і як выглядаюць самыя дарагія кватэры Мінска

Клас
Панылы сорам
Ха-ха
Ого
Сумна
Абуральна

Nashaniva.com

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ

Чытайце яшчэ
Вырасла колькасць тых, хто купляе жыллё ў крэдыт 2
У Драздах на продаж выставілі новы дом за тры мільёны даляраў. Што ў ім? 5
Пад Мінскам прадаецца стыльная дача з бруса і з інтэр'ерам, як у Pinterest. Цана — як у двухпакаёўкі
Зноў спрабуюць прадаць графскую сядзібу ў Чачэрску
Каментары
Храналагічна Спачатку новыя Спачатку папулярныя
Каб пакінуць каментар, калі ласка, актывуйце JavaScript у наладах свайго браўзеру
Галоўнае
Расія спадзяецца на цуд. Заўтра патрыярх Кірыл будзе маліцца перад «Тройцай» Рублёва, якую забралі з музея 3
13 чалавек, у тым ліку дзеці, пацярпелі ад выбуху ў Днепрапятроўскай вобласці 1
Зяленскі прапануе Расіі «дыпламатычны выхад» з найменшымі стратамі 3
Падаляк заявіў, што расійскія добраахвотнікі, якія робяць дыверсіі на тэрыторыі Расіі, больш не ўваходзяць у склад УСУ 9
Джо Байдэн падпісаў закон аб павышэнні столі дзярждоўгу ЗША 4
«Мерсі, Месі». ПСЖ афіцыйна абвясціў пра сыход Леа
Біятланістка Алімбекава-Смольская аб'явіла, што чакае дзіця 7
Усяго патроху
Бяспека ў Patreon: як абараніць свой акаўнт і захаваць ананімнасць 1
На саміце ў Малдове прэзідэнтка Мая Санду не дазволіла прэмʼер-міністру Венгрыі Віктару Орбану пацалаваць ёй руку 19
«Хай зʼездзіць у Кіеў і заначуе ў маёй кватэры». Украінская журналістка расказала пра рэакцыю Сабаленкі на вострыя пытанні 17
Як беларусу трапіць у Англію і ЗША 5
Фота / Відэа
Франак Вячорка расказаў, як званок Вавана і Лексуса выглядаў з ягонага боку і як адно слова выдала пранкераў 19
Маці палітвязня, загадчыцу кафедры юрфака БДУ, паклікалі на судзейскае свята, але абрэзалі на выніковых фота  1
Naša Niva łacinkaj
Апытанка
Самае чытанае
Рэжысёрка АНТ: На інтэрв'ю з Пратасевічам ішла ў майцы з перакрэсленым словам «рэвалюцыя», чырвона‑зялёных бранзалетах і з жаданнем яго размазаць 29
Як перавозіць грошы праз мяжу? 10
«Не крыўдзіце яго проста без прычыны». Нявестка Лукашэнкі прысвяціла яму новую песню 17
Гэтыя дзве расліны — найлепшыя ачышчальнікі паветра 1
Смерць беларускай айцішніцы ў Грузіі: як трагедыя маладой дзяўчыны вылілася ў вялікі краўдшэймінг 12
Самае лайканае
Франак Вячорка расказаў, як званок Вавана і Лексуса выглядаў з ягонага боку і як адно слова выдала пранкераў 19
Смерць беларускай айцішніцы ў Грузіі: як трагедыя маладой дзяўчыны вылілася ў вялікі краўдшэймінг 12
Гэтыя дзве расліны — найлепшыя ачышчальнікі паветра 1
Зяленскі назваў умову, пры якой спыніцца тэрор Расіі
«Хай зʼездзіць у Кіеў і заначуе ў маёй кватэры». Украінская журналістка расказала пра рэакцыю Сабаленкі на вострыя пытанні 14
Гарачыя тэмы
Былы ўладальнік бара «Каліноўскі» цяпер жыве ў Дубаі. Але яго думка: «Цяпер ідэальны час для інвестыцый у Беларусі» 18
Смерць беларускай айцішніцы ў Грузіі: як трагедыя маладой дзяўчыны вылілася ў вялікі краўдшэймінг 12
Пранкеры Ваван і Лексус пад выглядам Парашэнкі дазваніліся да Ціханоўскай, але не змаглі падтрымаць размову з Вячоркам па-ўкраінску 52
Лукашэнка пашкадаваў, што Расія не пайшла больш маштабнай вайной на Украіну ў 2014-2015 гадах 17
Чым запомніўся былы гродзенскі мэр, якога цкавалі ў тэлеграм-каналах лукашысты 7
Да гадавіны трагедыі на Нямізе: праклён скульптара Інькова 8
Польшча закрыла мяжу для прычэпаў на беларускіх і расійскіх нумарах — як гэта адаб'ецца на Беларусі? 4
Каго і чаму здаў Раман Пратасевіч. Гэта гісторыя пра тое, як адно фота можа змяніць усё жыццё. Многа жыццяў  73
Нямецкі мільярдэр, які пяць гадоў таму знік у Альпах, знайшоўся ў Маскве 2
PDF версія
Каляндар
Каб скарыстацца календаром, калі ласка, актывуйце JavaScript у наладах свайго браўзера
пн аў ср чц пт сб нд
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30
Версія для смартфонаў
Навіны Усяго патроху Культура Нашы партнёры Нашы спасылкі
  • Эканоміка
  • Грамадства
  • Здарэнні
  • Свет
  • Спорт
  • Аўто
  • Меркаванні
  • Ад рэдакцыі
  • Вайна
  • Тэсты
  • Здароўе
  • Нерухомасць
  • Моды
  • Ежа
  • Навука і тэхналогіі
  • Надвор'е
  • Каханне і сэкс
  • Гісторыя
  • Музыка
  • Мова
  • Кіно
  • Літаратура
  • Культура
  • Наш лацінізатар
  • Абмеркаванне
Кантакты
© Усе правы абароненыя. Выкарыстанне платных матэрыялаў забаронена без пісьмовага дазволу. Выкарыстанне бясплатных рускамоўных версій матэрыялаў забаронена без пісьмовага дазволу. Выкарыстанне бясплатных беларускамоўных версій матэрыялаў дазваляецца пры ўмове наяўнасці актыўнай гіперспасылкі на Nashaniva.com у першым абзацы.
Дызайн сайту — арт-студыя PRAS
Уверх