— Так супала, што на гэты дзень прыпадае 40 дзён з моманту «трагічнай» гібелі расійскага крэйсера «Масква» — двайное свята. Таму менавіта 23 мая Укрпошта выпусціць марку «Рускі ваенны карабель… Усё!» і пачне яе продаж — напісаў Смялянскі ў Фэйсбуку.
Марка выйдзе тыражом 5 млн асобнікаў у двух наміналах: для адпраўкі па Украіне і для міжнародных адпраўленняў.
— Не трэба адразу займаць чэргі, час продажу і ўсе дэталі мы абвесцім загадзя на нашых старонках і на маім ТГ-канале ўвечары 22 мая, — папрасіў Смялянскі.
Выпуск першай маркі выклікаў вялікі ажыятаж, па марку выстройваліся вялікія чэргі.
