Баташаў — самы высокапастаўлены расійскі лётчык, пра гібель якога на вайне стала вядома. Ён быў камандзірам авіяцыйнага палка, але ў 2012 годзе яго абвінавацілі ў крушэнні знішчальніка, кіраваць якім ён не меў права, і асудзілі на чатыры гады ўмоўна.
Баташаву было 63 гады. Якім чынам ён стаў выконваць баявыя заданні ва Украіне, незразумела — суразмоўцы мяркуюць, што ён «проста не змог застацца ўбаку».
22 траўня Генштаб УСУ паведаміў пра збіты ў небе над Луганскай вобласцю расійскі штурмавік Су-25. Яго пілот не паспеў катапультавацца. Адзін з саслужыўцаў Баташава пацвердзіў BBC, што адстаўны генерал выконваў заданні ва Украіне менавіта на Су-25.
Паводле адкрытых крыніц, журналістам вядома пра гібель найменей 31 расійскага вайсковага лётчыка.
