Сяло Бышаў пад Кіевам пасля расійскага нападу. Фота: AP

Аб гэтым заявіў прэзідэнт Уладзімір Зяленскі падчас звароту ў НАТА, паведамляе РБК-Украіна.

Ён лічыць, што Расія плануе цалкам знішчыць украінскія гарады, абстрэльваючы іх з цяжкага ўзбраення. РФ ужо робіць гэта на ўсходзе і поўдні Украіны.

«Для чаго гэта? Для чаго бомбы? Для чаго татальныя артылерыйскія ўдары? Расійская армія робіць усё, каб як мага больш людзей пакінулі гарады. Каб не было нічога, акрамя руінаў. А тады так званая «другая армія свету» заходзіць у гэтыя гарады — ужо пустыя і мёртвыя. І яна не хоча спыняцца на Данбасе або дзесьці на поўдні Украіны», — адзначыў прэзідэнт.

Зяленскі заявіў, што Расія хоча пашырыць межы, лічыць сваёй уласнасцю былыя рэспублікі СССР. Па яго словах, пад ударам могуць быць краіны Балтыі, Малдова і Польшча.

«Яна (Расія) горад за горадам хоча паглынуць так усіх у Еўропе, каго кіраўніцтва Расіі лічыць сваёй уласнасцю, а не незалежнымі дзяржавамі. Гэта — сапраўдная мэта Расіі. Пытанне — хто наступны для яе? Малдова? Краіны Балтыі? Польшча? Адказ — усе яны. Мэты Расіі вядомыя. Яны відавочныя. Расійскае кіраўніцтва бачыць свет па-іншаму. Не так, як вы. Яны глядзяць, напрыклад, на Літву — не як на члена вашага альянсу, а як на Рэспубліку Савецкага Саюза. Для нас яна былая рэспубліка СССР, для нас гэта мінулае, а яны яе разглядаюць як магчымую будучую, яны зноў хочуць яе паняволіць», — растлумачыў прэзідэнт.

Лідар Украіны перасцярог членаў НАТА, што на працягу года сітуацыя можа пагоршыцца, што прывядзе да «рэальнага правалу» альянсу. Паколькі пад ударам Расіі могуць апынуцца ўдзельнікі абароннага саюза.

Клас
10
Панылы сорам
2
Ха-ха
1
Ого
2
Сумна
1
Абуральна
5

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру