У МЗС Беларусі заявілі, што пазіцыя Беларусі ў дачыненні да пашырэння НАТА застаецца нязменнай, «незалежна ад таго, у якім кірунку ажыццяўляецца гэты працэс — на ўсход, поўдзень ці захад».
— Разрастанне Паўночнаатлантычнага альянсу, які пасля спынення існавання Арганізацыі Варшаўскай дамовы страціў сваю абарончую прыроду, з'яўляецца стратэгічнай памылкай, паколькі падрывае прынцып непадзельнасці бяспекі і вядзе да з'яўлення новых раздзяляльных ліній на еўрапейскім кантыненце, да росту вайскова-палітычнай напружанасці, — заявіў Анатоль Глаз.
У МЗС лічаць, што ўмацаванне бяспекі павінна ажыццяўляцца не за кошт нарошчвання ваеннага патэнцыялу НАТА, а з дапамогай двухбаковых і шматбаковых механізмаў кантролю над узбраеннямі і мер умацавання даверу, а таксама «праз раўнапраўны і ўзаемапаважлівы дыялог».
— Беларусь была і застаецца адкрытай для такога ўзаемадзеяння — падкрэсліў прадстаўнік МЗС Беларусі.
29 чэрвеня НАТА афіцыйна запрасіла Швецыю і Фінляндыю ўступіць у Альянс. Але афіцыйна прыняцце адбудзецца пасля таго, як усе 30 краін адобраць гэта ўваходжанне.
