Вайцяхоўскаму паведамілі, што
«па інфармацыі мясцовых органаў улады, на тэрыторыі дадзенага населенага пункта вайсковых пахаванняў і пахаванняў замежных вайскоўцаў не зарэгістравана».
Законнасць правядзення «работ па ўладкаванні тэрыторыі» пацверджаная, паводле сцвярджэння МЗС, такім аўтарытэтным у справах захавання гістарычнай памяці органам, як Генеральная пракуратура і «грунтуецца на атрыманні звестак аб адсутнасці чалавечых парэшткаў і іншых фактараў, якія б таму перашкаджалі».
Рэспубліка Беларусь, маўляў, «з асаблівым трымценнем ставіцца да ўсіх пахаванняў, размешчаных на нашай зямлі» і
такое абыходжанне з імі, маўляў, «не толькі дзяржаўная палітыка, але і хрысціянскі, чалавечы падыход саміх беларусаў».
Пасля таго Міністэрства пераводзіць стрэлкі на Польшчу, дзе, маўляў, «толькі ў бягучым годзе зафіксавана каля 30 актаў вандалізму ў дачыненні да помнікаў людзям, якія аддалі свае жыцці за яе вызваленне ад фашызму». І ўвогуле за апошнія 25 гадоў у Польшчы быў 561 савецкі помнік, а цяпер іх засталося менш за 100.
У сувязі з гэтым МЗС «заклікае польскі бок да паважлівых адносін да нашых законаў, у тым ліку ў такіх адчувальных пытаннях, як захаванне гістарычнай памяці». І нагадвае пра тое, што на такія рэжымы, які цяпер усталяваўся ў Беларусі, неяк уздзейнічаць бесперспектыўна.
Чытайце таксама:
МЗС Польшчы: Знішчэнне вайсковых пахаванняў не зменіць гісторыі
Кіраўнік польскай дыпмісіі ў Беларусі наведаў зруйнаваныя пахаванні ў Мікулішках
Хто пахаваны пад Мікулішкамі, дзе беларускія ўлады разбурылі могілкі жаўнераў АК
Зраўнялі з зямлёй магілы жаўнераў Арміі Краёвай у Мікулішках на Ашмяншчыне
