Палітзняволеныя журналісткі Дар'я Чульцова і Кацярына Андрэева (справа). Апошняй нядаўна дадалі новы тэрмін, па артыкуле «Здрада дзяржаве»

«Хоць і разумелі, што рэжым проста зарабляе на гэтым. Адных адпускае, а іншых садзіць, — расказвае Андрэй Дынько.

— Усяго так выкупілі 33 755 палітвязняў. Акрамя таго, за выкуп ГДР дазволіла пераехаць на Захад прыкладна 250 тысячам усходніх немцаў. Häftlingsfreikauf — пашукайце на гэтае слова, калі хочаце прачытаць больш.

Але ў немцаў была ФРГ, дзяржава выкупляла ў дзяржавы, а ў нас хто мае столькі грошай і хто можа быць суб’ектам перамоваў?

І іншы аспект, маральна, — вываз вязняў з ГДР у ФРГ быў перавозам у іншую нямецкую дзяржаву. Нямецкую! Дзе яны маглі працаваць на карысць радзімы. А ў нас іншай Беларусі няма.

Яшчэ некалькі цікавых фактаў. Усяго на «выкуп» ФРГ патраціла каля 8 мільярдаў дойчэмарак. Гэта ў пераводзе на цяперашнія грошы, у грубай прыкідцы, мільярдаў 16 даляраў.

ГДР патрэбная была валюта, ФРГ атрымлівала мазгі і рукі, а ўсходнія немцы— веру, што за ім ёсць каму заступіцца ў выпадку чаго, што ў іх ёсць сапраўдная нямецкая дзяржава. Дарэчы, за першых 20 палітвязняў у 1962 годзе ФРГ расплацілася трыма вагонамі калійных угнаенняў.

ГДРаўскія ўлады апраўдвалі такія здзелкі патрэбай «кампенсацыі шкоды», нанесенай дзейнасцю палітвязняў, але насамрэч проста грошы былі трэба. Рыторыка і назвы артыкулаў, дарэчы, у ГДР былі вельмі падобныя. «Здрада дзяржаве» і т.п.

Арганізоўвалі ўсё гэта спачатку пры пасярэдніцтве пратэстанцкай царквы.

І было так, што выкуплялі тых палітвязняў, хто пагаджаўся на вываз у ФРГ.

Як толькі выйшла на яву такая схема выкупу, яе моцна крытыкавалі. Але схема працягвалася дзейнічаць да самага краху ГДР», — піша Андрэй Дынько. І пытае: «А што вы думаеце, гэта вартая ідэя, каб вырваць з турмаў нашых пакутнікаў?»

Выказвайцеся ў нас у каментах, калі ласка.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
30 марак / Адказаць
25.07.2022
такая ідэя. такая схема таргоўлі людзьмі (па сутнасці гэта таргоўля людзьмі), як нікая іншая, задаволіла б вусатага "бізнесмена". бо звычайны тавар ты шукаеш, дзе прадаць. а гэта часта нялёгкая справа. ды й тавар вырабіць трэба, здабыць. а людзі для яго нічога не каштуюць увогуле. і з продажам напружвацца зусім не трэба - пакупнік прыходзіць сам і рэгулярна, дык шчэ пратэсны электарат перапраўляецца за межы Беларусі.
сапраўды - канвеер будзе чотка наладжаны 
 
1
Іван / Адказаць
25.07.2022
Лукашэнка бесчалавечны. Як толькі ў яго пачнуць выкупляць палітвязняў, ён пачне садзіць дзясяткамі тысяч, каб на гэтыя грошы ўтрымліваць сваіх эсэсаўцаў.
0
American / Адказаць
25.07.2022
Можно выкупать арестованных а можно купить Байрактар... 
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру