Фота: Daily Mail.

Даследчыкі даўно падазравалі, што паміж касаткамі і вялікімі белымі акуламі, якія жывуць ля берагоў Паўднёвай Афрыкі, могуць быць канфлікты. Аднак тое, што запісаў дрон, перавысіла іх самыя смелыя чаканні.

З 2017 года навукоўцы знаходзілі трупы акул з практычна аднолькавымі прыкметамі: ва ўсіх з'едзеная печань і ёсць сляды моцнага ўдару паміж груднымі плаўнікамі. Да пэўнага часу доказаў таго, што акулы станавіліся ахвярамі касатак, не было. На дапамогу прыйшлі сучасныя тэхналогіі. Матэрыял, запісаны адным з беспілотнікаў, пралівае зусім новае святло на існуючыя веды аб марской экасістэме і міжвідавых адносінах.

«Гэта першы такі выпадак у свеце»

Белыя акулы знаходзяцца на самым версе харчовага ланцуга. Аднак, аказваецца, нават «каралёў палявання» можна сагнаць з натуральных месцаў пражывання і кармлення.

На відэа, якое апублікавала ў сваім інстаграме біёлаг з ПАР Элісан Таўнер, відаць, як раптам з'яўляецца касатка, ў пашчах якой трохметровая акула. Далей бачна, як касатка кусае здабычу ў раёне печані, а кроў афарбоўвае ваду.

«Цяпер у нас ёсць важкія доказы таго, што касаткі нясуць адказнасць за іх забойства. Гэтыя акулы былі вымушаная ўцячы з узбярэжжа, дзе яны жылі раней. Мы маем першы ў свеце відэазапіс з беспілотніка», — падсумавала ў інтэрв'ю dailybeast.com марская даследчыца.

Таўнер, якая на працягу 15 гадоў сочыць за жыццём вялікіх белых акул, лічыць гэтае жорсткае відэа адным з самых прыгожых кадраў жывой прыроды.

«Мы лічым, што змена клімату, забруджванне акіяна і, вядома ж, напады касатак прывялі да знікнення белых акул у гэтым рэгіёне», — кажа Таўнер.

Па словах навукоўцаў, тое, што касаткі сталі часта нападаць на белых акул, кажа аб тым, што скарацілася папуляцыя іншай ежы, што таксама звязана са зменамі клімату і павышэннем тэмпературы акіяна.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

2
Жах / Адказаць
29.07.2022
Памятью, як целая сям'я касатак (у народзе - бутылканосаў) вынырнула прама перад мною, потым яшчэ некалькі разоў, але ўжо воддаль. Некалі нам даводзілі, што гэта адзіны ў сьвеце драпежны від кітовых. Выглядаюць вельмі грацыёзна й уражваюча.
1
Рашід / Адказаць
29.07.2022
Вообще-то это не новость для яхтсменов. Касатки - это реальная опасность.
Каб пакінуць каментар, калі ласка, актывуйце JavaScript у наладах свайго браўзеру