«Думаю, што мы ніколі не былі ў больш складанай і цяжкай сітуацыі, чым сёння. Чаму я гэта сказаў? Прышцінскі рэжым спрабуе, прадстаўляючы сябе ахвярай, выкарыстоўваць настроі ў свеце», — заявіў прэзідэнт Сербіі.
Раней на сербска-косаўскай мяжы пачаліся ўзброеныя сутыкненні, косаўскі спецназ закрыў мяжу з Сербіяй.
У 22:00 Вучыч плануе звярнуцца да нацыі. «Мы будзем прасіць аб міры і прасіць міру, але адразу вам скажу: здачы не будзе і пераможа Сербія. Калі яны паспрабуюць пачаць ганенні на сербаў, здзекі над сербамі, забойствы сербаў. Сербія пераможа», — заявіў прэзідэнт Сербіі.
Сербія — адна з нямногіх еўрапейскіх краін, якія нават цяпер падтрымліваюць добрыя адносіны з пуцінскай Расіяй. Расійскі МЗС ужо выступіў з заяваў у падтрымку Белграда:
«Лідары касавараў ведаюць, што сербы не застануцца абыякавымі, калі гаворка ідзе пра прамую атаку на іх свабоды, і наўмысна ідуць на абвастрэнне, каб запусціць сілавы сцэнар. Зразумела, на вастрыі атакі знаходзіцца і Белград, які Захад хоча дадаткова «нейтралізаваць» касаваалбанскімі рукамі… Заклікаем Прышціну і ЗША ды ЕС, якія стаяць за ёй, да спынення правакацый і да захавання правоў сербаў у Косаве».
Чытайце таксама:
Абвастрылася сітуацыя на мяжы Сербіі з Косавам
