Літоўскія мытнікі знайшлі ў фуры з Беларусі цыгарэтную кантрабанду на 1,8 мільёна еўра
На беларуска-літоўскай мяжы была затрыманая фура, якая перавозіла кантрабандныя цыгарэты. Як паведамляе літоўская мытня, машына з кантрабандай прыбыла ў суботу, 30 ліпеня, у Міжнародны пункт пропуску Райгардас (з беларускага боку — Прывалка).
Паводле дакументаў, фура, якая ехала па дакументах транзітам з Казахстана ў Германію, везла 14,4 тоны вермікуліту — гэта мінерал, які выкарыстоўваецца для павышэння ўрадлівасці глебы. Але пасля праверкі машыны з дапамогай рэнтгена мытнікі знайшлі пад пакетамі вермікуліту мноства каробак з кантрабанднымі беларускімі цыгарэтамі.
Кіроўцу грузавіка арыштавалі на 2 месяцы.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
