Адно з пытанняў журналіста Майкла Смярконіша тычылася турнэ Уотэрса па Паўночнай Амерыцы з шоў This is Not a Drill. Падчас выступлення на гіганцкім экране з'яўляюцца фотаздымкі людзей, якіх музыкант лічыць «ваеннымі злачынцамі». У адным з малюнкаў угадваюцца рысы прэзідэнта ЗША Джо Байдэна. Фотаздымак суправаджаецца надпісам «Гэта — толькі пачатак».

На пытанне вядучага, што там мелася на ўвазе, Уотэрс адказаў: «Ну, ён (Байдэн) распальвае агонь ва Украіне, для пачатку, — гэта велізарнае злачынства».

«Чаму б Злучаным Штатам Амерыкі не заахвоціць» прэзідэнта Украіны Уладзіміра Зяленскага да перамоваў, «зняўшы неабходнасць гэтай жудаснай, жахлівай вайны, у якой забіта… мы не ведаем колькі… украінцаў і рускіх», — задаў Роджэр Уотэрс рытарычнае пытанне.

У адказ журналіст звярнуў увагу Уотэрса, што той «усё пераблытаў» і памылкова «абвінавачвае бок, які падвергнуўся ўварванню». Аднак заснавальнік Pink Floyd працягваў абараняць сваю пазіцыю, гаворачы, што вайна абумоўленая, галоўным чынам, рэакцыяй Масквы на дзеянні НАТА, якое падышло ўшчыльную да межаў Расіі.

Выказванні Уотэрса выклікалі, натуральна, вельмі негатыўную рэакцыю ў Кіеве і вельмі станоўчую — у Маскве, мясцовыя прапагандысты ўжо ўзялі яго ў свой арсенал.

Нічога асабліва дзіўнага ў такой пазіцыі музыкі, які пакінуў Pink Floyd яшчэ ў далёкім 1985 годзе, няма. Ён і раней рабіў заявы падобнай скандальнасці. Так, Уотэрс, вядомы сваёй актыўнай антыізраільскі пазіцыяй, неаднаразова сцвярджаў, што Ізраіль — гэта «расісцкі рэжым», які праводзіць палітыку апартэіду і «этнічных чыстак». Музыка таксама з'яўляецца актыўным прыхільнікам міжнароднага руху «Boycott, Divestment and Sanctions» (BDS), які праводзіць кампаніі за байкот, адкліканне інвестыцый і санкцыі супраць Ізраіля.

label.reaction.like
label.reaction.facepalm
label.reaction.smile
label.reaction.omg
label.reaction.sad
label.reaction.anger

Хочаш падзяліцца важнай інфармацыяй ананімна і канфідэнцыйна?

1
Р6619 / Адказаць
07.08.2022
Уотэрз вядомы дзяўбатрах.
1
Максим Дизайнер / Адказаць
08.08.2022
Почему бы Уотерсу не заахвотить президента россии вывести войска с оккупированных территорий, журналист не спросил?
1
циник / Адказаць
08.08.2022
Видно же по нему что это чокнутый
Паказаць усе каментары/ 6 /
Каб пакінуць каментар, калі ласка, актывуйце JavaScript у наладах свайго браўзеру