Фота: pixabay.com

Бяссонніца можа здарацца эпізадычна, а можа ператварацца ў пастаянную праблему. У асноўным яна выглядае так: вы кладзяцеся спаць, але сон доўга не прыходзіць, піша ofeminin.pl.

У выніку вы позна засынаеце, а раніцай вам цяжка ўстаць своечасова. Гэта прыводзіць да недахопу энергіі і пагаршэння самаадчування, а таксама да таго, што ў найменш жаданы момант узнікае дрымотнасць. Пасля дня, праведзенага такім чынам, зноў бывае цяжка заснуць, у гэты раз праз стомленасць.

Але ж ёсць розныя метады, якія дапамагаюць справіцца з бяссонніцай. Напрыклад, вы можаце паспрабаваць метад дыхальнай практыкі 4-7-8. Яго аўтар — доктар Эндру Вэйл з Гарвардскага ўніверсітэта, які натхняўся старажытнай тэхнікай кантролю дыхання — пранаямай. Навуковец кажа, што рэгулярнае ўжыванне гэтага метаду дапамагае засынаць хутка і проста.

Перад тым, як укладвацца спаць, праветрыце пакой, прыглушыце святло і выключыце, калі гэта магчыма, гук на тэлефоне. Усё, што вы бачыце вакол сябе, павінна дапамагаць вам настроіцца на спакойны адпачынак. Потым кладзіцеся ў ложак і выконвайце наступныя дзеянні:

1) Прыміце на ложку такое становішча, якое дазваляе свабодна дыхаць.

2) Заплюшчыце вочы і ўпрыцеся кончыкам языка ў паднябенне за зубамі. Трымайце там язык на працягу ўсёй дыхальнай практыкі.

3) Удыхайце праз нос на працягу 4 секунд, потым затрымайце дыханне на 7 секунд і выдыхайце на працягу 8 секунд. Выканайце да 4 такіх цыклаў дыхання.

Метад 4-7-8 дапамагае расслабіцца, бо падчас практыкі вы засяроджваецеся на дыханні, і гэта адцягвае вашу ўвагу ад паўсядзённага жыцця. Такая практыка змякчае наступствы стрэсу, добра насычае цела кіслародам і дапамагае хутчэй заснуць.

Стваральнік метаду рэкамендуе практыкаваць яго рэгулярна, не менш за 2 разы на тыдзень. Спачатку ён можа не прынесці бачных вынікаў, але з часам вы дакладна будзеце засынаць хутчэй і лягчэй.

У які час сутак лепей піць каву

Як змагацца з храпам? Пяць спосабаў

Брытанскія дактары замянілі лекі ад бяссонніцы нечым лепшым

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

1
Грудастая бландынка атрымлівае ступень доктара медыцыны / Адказаць
11.08.2022
Пасля таго як сёння вынес зелле са сваіх 11 сотак я ўжо ў 6 гадзін вечара гатовы спаці. Якая там бяссонніца:)
1
принц / Адказаць
11.08.2022
Если нет проблем с совестью, сон будет гарантирован. Если проблемы есть, никакие методисты не помогут. Даже не сомневайтесь. А ещё скелеты в шкафу. Чем больше скелетов, тем меньше сна. Но это тоже о совести и её ощущениях.
Каб пакінуць каментар, калі ласка, актывуйце JavaScript у наладах свайго браўзеру