Павел Кулажанка. Фота Wall Street Journal

Павел Кулажанка далучыўся да беларускага добраахвотніцкага палка Каліноўскага — тады яшчэ батальёна — у сакавіку. Як чалавек з досведам працы ў сілавой структуры, ён быў прызначаны камандзірам роты, але, як сказалі «Нашай Ніве» два розныя байцы, прабыў на гэтай пасадзе вельмі кароткі час і мала чым адзначыўся. «Ён хацеў быць галоўным па палітычнай частцы, а вось ваяваць не хацеў — мякка кажучы, не імкнуўся «на перадок» і ні разу там не быў», — расказалі «Нашай Ніве» каліноўцы.

Гэта выклікала раздражненне камандавання і таварышаў. Як мінімум два разы ў Кулажанкі былі істотныя канфлікты з кіраўнікамі батальёнаў.

«Незадоўга да таго як Кулажанка пакінуў полк, «Вараг» — камандзір батальёна «Тэрор» — выбіў дзверы ў пакой Кулажанкі і павучыў яго жыццю», — сказаў «Нашай Ніве» адзін з байцоў.

«Кулажанка казаў, што беларусам няма чаго рабіць на поўдні Украіны, і выступаў за тое, каб зняцца з пазіцый і ехаць прабіваць калідор у Беларусь. У ваенны час вы разумееце, як такія прапановы трэба трактаваць. Як мінімум, гэта дэзерцірства, як максімум — падбухторванне да калектыўнага самагубства з непрадказальнымі наступствамі. Сукупнасць фактараў прывялі да таго, што ён стаў непатрэбным», — сказаў яшчэ адзін баец.

Сам Кулажанка выдаліў акаўнт у Тэлеграме.

Знаёмыя з ім кажуць, што ён, імаверна, ужо пакінуў тэрыторыю Украіны і вярнуўся ў ЗША.

Полк Каліноўскага — самае шматлікае з беларускіх добраахвотніцкіх фармаванняў у складзе ўкраінскай арміі, якія ўтварыліся пасля нападу Расіі на Украіну. Ëн вырас вакол ідэйных беларусаў-добраахвотнікаў, якія ваявалі за незалежнасць Украіны з 2014 года. Полк «Пагоня», у аснове якога — былыя байцы беларускіх Сілаў спецыяльных аперацый — пакуль не такі шматлікі. 

Многія байцы Каліноўскага і «Пагоні» адкрыта кажуць, што іх мара — пасля вызвалення акупаваных украінскіх тэрыторый вызваліць і Беларусь. Аднак такі гіпатэтычны сцэнарый немагчымы без дапамогі Украіны і / ці Польшчы, што многім падаецца малаверагодным. 

Аўтарытэтнага былога камандзіра дэсантнай брыгады з Брэста Валерыя Сахашчыка звязваюць з «Пагоняй». Святлана Ціханоўская прызначыла яго сваім прадстаўніком па пытаннях бяспекі і абароны.

Нельга выключаць, што ўсе беларускія фармаванні з часам аб'яднаюцца пад адным камандаваннем.

«Гэта нармальна, што выпадковыя людзі адсейваюцца. І нават непазбежна. У лютым-сакавіку ў беларускія фармаванні прыйшлі людзі рознага роду. Касцяк разумее, што ў арміі і тым больш на вайне нельга без дысцыпліны і субардынацыі», — сказаў «Нашай Ніве» адзін з каліноўцаў.

«Наша Нiва» — крыніца якаснай інфармацыі і бастыён беларушчыны

ПАДТРЫМАЦЬ «НН»

Хто такі былы амапавец Павел Кулажанка, які спрабуе стаць радыкальным палітычным лідарам?

Хто такі Валерый Сахашчык, які ўзначаліў сілавы блок у кабінеце Ціханоўскай

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

9
доволен / Адказаць
14.08.2022
Отличная новость.Кулаженко сразу начал врать,что ОМОН в Витебске никого не задерживал.Призывал вместе с Карач,Макаров ,Токарчук(отсидела глупенькая) не выходить на мирные протесты,что было безусловно было на руку  режиму.Слив разговора Макара скорее всего был настоящий .Макар живет в ЕС думаю понимал,что за ложь могут быть последствия.Пренебрежительно называл беларусов выходящих на мирный протест .Все время работал на уменьшение легитимности Тихановской,что опять же на руку режиму. Да и полк последнее время начал напоминать "Супраціў" (по мне так мутная организация).
50
Андрэй Заступнік / Адказаць
14.08.2022
Не супадзенне поглядаў не азначае, што ён дрэнны баец, а выйшаў, значыцца не гатовы пакуль паміраць за офісы, якія не дай Божа дарвуцца да ўлады. Зоймецца далей палітыкай і будзе больш карысны.
5
Ігар / Адказаць
14.08.2022
У якім самым пачатку вайны Кулажанка далучыўся да батальёна?!) Не пішыце глупствы) Больш чым праз месяц пасля пачатку вайны Кулажанка ў Кіеў прыехаў)
Паказаць усе каментары/ 24 /
Каб пакінуць каментар, калі ласка, актывуйце JavaScript у наладах свайго браўзеру