Мужчыну не спадабалася, як у яго кватэры ўсталявалі каналізацыйныя трубы. Ён узяў цагліну і пачаў ганяцца за будаўнікамі, паведамляе выданне «Маяк».
Супрацоўнікі міліцыі, якія прыбылі па выкліку работнікаў будаўнічай арганізацыі, выявілі парушальніка спакою ў яго кватэры. Знаходзячыся ў неадэкватным стане, мужчына спачатку пачаў стукаць швабрай па сценах і столі, а потым кінуўся з ёй на супрацоўніка міліцыі. Пасля гэтага на хулігана надзелі кайданкі.
За напад на супрацоўніка міліцыі ў дачыненні да грамадзяніна распачатая крымінальная справа.
