Па логіцы, асноўная мэта агародж — мінімізаваць наступствы аварыі. Але ў выпадку на М6 яна трапіла ў салон і стала прычынай гібелі чалавека. І гэта далёка не адзіная такая трагедыя. Чаму так адбываецца і нічога не мяняецца, піша Onliner.

Як агароджы павінны працаваць

У Беларусі сустракаюцца бетонныя, тросавыя і металічныя агароджы. Апошнія ўладкаваныя наступным чынам: хвалісты профіль мацуецца да кампенсатара, а той — да стойкі, забетанаванай у асфальт.

Падчас сутыкнення стойкі падаюць ці дэфармуюцца. Профіль павінен адарвацца, але захаваць праектную вышыню, нацягнуцца як струна і вярнуць машыну назад у паласу, як гаворыцца ў дакументах, плаўна і паступова выраўноўваючы траекторыю руху транспартнага сродку. 

Гэта не павінна быць цвёрда замацаваная канструкцыя (дзе профіль намёртва прыкручаны да апоры), інакш пры ўдары або агароджа паваліцца і аўтамабіль яе пераедзе, або аўто ад моцнага ўдару перавернецца. 

Вось як выглядае правільная праца адбойніка падчас выпрабаванняў.

 

Другі варыянт — удар пад вялікім вуглом на вялікай хуткасці. Інжынеры разлічваюць бяспеку канструкцыі, зыходзячы з удару пад 20-градусным вуглом. Чым бліжэй вугал удару да 90 градусаў, тым горш адпрацоўвае агароджа і тым больш сур'ёзныя наступствы ДТЗ.

Але самыя сур'ёзныя аварыі адбываюцца пры наездзе на тарэц хвалістага профілю. Калі ён трапляе ў салон і праходзіць скрозь машыну, аўтамабіль аказваецца быццам на шампуры. У адных выпадках устаноўшчыкі проста загінаюць профіль на канцы, каб ён не быў вострым, але наўрад ці гэта можа выратаваць. У іншых «рэйку» апускаюць да зямлі, што можа ўжо спрацаваць пры наездзе як трамплін.

Што трэба рабіць?

Каб пазбегнуць фатальных наступстваў ад сутыкнення з краем агароджы, трэба ўсталёўваць спецыяльныя канструкцыі. Яны з'явіліся на МКАД яшчэ ў 2019 годзе — дзве штукі з кампенсавальнай ячэістай рашоткай. Аднак масавага распаўсюджвання яны не атрымалі — відавочна, з-за фінансавага пытання. 

Хаця абяцалі, што ўжо ў 2020-м іх будуць устанаўліваць на новых дарогах, а таксама на трасах, дзе будзе праводзіцца бягучы рамонт.

Такія канструкцыі вядомыя ўжо прынамсі 30 гадоў. 

Дык чаму ж агароджы прабіваюць машыны, і гэта лічаць нормай?

Пасля кожнай з аварый з удзелам адбойніка распачынаюць крымінальную справу па артыкуле 317 КК РБ — «Парушэнне ПДР, якое пацягнула па неасцярожнасці цяжкія траўмы або смерць чалавека». Пры гэтым за апошнія 10 гадоў публічна не асвятлялася ніводная справа па артыкуле 319 КК РБ («Парушэнне правілаў утрымання аўтадарог, якое пацягнула па неасцярожнасці смерць чалавека»), якая б тычылася агародж. Можна меркаваць, што ў кожным выпадку першапрычынай наступстваў ДТЗ лічылі менавіта парушэнне ПДР вадзіцелямі, а не нешта іншае.

І тут якраз варта звярнуцца да заканадаўства, якое рэгулюе нормы працы агароджы. Гэта ДАСТ 33128-2014. У ім замацавана некалькі патрабаванняў: машына не павінна перакуліцца як праз агароджу, так і ў бок праезнай часткі; не павінна выйсці пасля наезду за межы дапушчальнага калідора; пры кантакце элементы агароджы не павінны патрапіць у салон. 

У апошнім патрабаванні ёсць важнае ўдакладненне: толькі пры выпрабаваннях (а не эксплуатацыі). Выходзіць, што ДАСТ лічыць бяспечнымі канструкцыі, якія могуць пранікаць у салон пры ДТЗ. Галоўнае, каб гэтага не адбылося падчас выпрабаванняў.

Тое адбылося і ў выпадку з трагічным здарэннем на трасе М6. Следчыя ўжо паведамілі, што распачалі крымінальную справу па ч. 2 арт. 317 КК РБ — «Парушэнне ПДР асобай, якая кіруе ТС, якое пацягнула па неасцярожнасці смерць чалавека». 

Гэта значыць, падазраваным можа стаць вадзіцель, які страціў жонку, адзіны з бацькоў, які застаўся ў дзяцей. 

Пытанне аб ступені бяспекі агароджы ў афіцыйных зводках не ўзнімалася.

label.reaction.like
3
label.reaction.facepalm
25
label.reaction.smile
3
label.reaction.omg
5
label.reaction.sad
30
label.reaction.anger
68

Хочаш падзяліцца важнай інфармацыяй ананімна і канфідэнцыйна?

8
Хмара / Адказаць
17.08.2022
Што за лабуда? А чаму канавы ды дрэвы, ў якія ўляцелі кіроўцы на сваіх аўто забіваюць, чаму сьцены разьбіваюць машыны, калі ў іх упякацца, добра разагнаўшыся ? Пэўна таму, што кіроўцы на іх наляцелі сваімі машынамі. Ці наадварот ? Ну, калі гэта адбойнік наляцеў на машыну, тады рацыя, можна задавацца пытаньнем, чаму гэта здарылася...
5
SHOS / Адказаць
17.08.2022
Этот вопрос никогда не поднимется. Но не при этой колхозной хунте. Сам стык они могут сделать и против движения, но вроде устранили. Но! Вместо трёх болтов на стыке стали делать два. Сраная экономия. А на водителя спихнуть это у них святое. Повесить вину и забыть. Не учел, не предвидел... Типа Ванги должны ездить за рулём.
5
Мангол / Адказаць
17.08.2022
Таму, шта беларускія чыноўнікі без інтэлекту. На міністра Аўраменку паглядзіце, ён піша з памылкамі.
Паказаць усе каментары/ 7 /
Каб пакінуць каментар, калі ласка, актывуйце JavaScript у наладах свайго браўзеру