На спецыяльнай старонцы зводных даных на сайце Белстата адсутнічае інфармацыя пра стан знешняга дзярждоўгу і выканання бюджэту за ліпень. Звычайна гэтыя даныя публікуюцца ў апошнія дні месяца, што ідзе за справаздачным. Гэта значыць, інфармацыя за ліпень павінна была з'явіцца на гэтай старонцы ў канцы жніўня. У Белстаце адсутнасць інфармацыі тлумачаць тым, што Мінфін больш не дае яе статыстычнаму камітэту для справаздачнасці. А ў прадстаўніцтве МВФ у Беларусі не каментуюць адмову ад публікацыі часткі даных у рамках прадугледжаных дамоўленасцей.

Справаздачнасць у рамках спецыяльнага стандарту распаўсюджвання даных (ССРД) МВФ нацыянальныя статыстычныя камітэты публікуюць пасля таго, як краіны падпісваюць гэты стандарт справаздачнасці. Гэта накладвае на дзяржавы абавязацельствы прадастаўляць даныя па прадугледжаных методыках і графіку.

Беларусь далучылася да ССРД МВФ у 2004 годзе. Меркавалася, што гэта будзе азначаць «дзяржава-член жадае інфармаваць грамадскасць і ўдзельнікаў фінансавых рынкаў пра падпісанне стандарту і пра фактычнае яго выкананне» і пацвярджаць «адкрытасць статыстычнай інфармацыі Беларусі для міжнародных арганізацый».

Нагадаем, Мінфін абмежаваў доступ грамадскасці да даных аб стане дзяржаўнага доўгу і бюджэту. У ліпені Міністэрства перастала публікаваць прэс-рэлізы аб выкананні бюджэту і выдаліла з сайта справаздачы за папярэднія месяцы. Чыноўнікі пацвярджалі, што пакуль не будуць інфармаваць грамадзян пра стан казны — гэта пры тым, што больш чым на 80% бюджэт фармуецца за кошт падаткаў.

Дэталёвыя даныя па дзярждоўгу сталі хаваць яшчэ раней. Чыноўнікі абмяжоўваюцца агульнымі данымі аб дзярждоўгу, пры гэтым яны засакрэцілі інфармацыю аб тым, у каго займае сродкі наша краіна, а таксама якія сумы выплачвае і каму па старых крэдытах.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
профит / Адказаць
02.09.2022
семейка идёт по пути мафиозных кланов - у них тоже все цифры знают только верхушка, а простой люд ничего не должен знать - они лишь должны бесправно батрачить на семейку не подымая головы, платить за все бешеные налоги и оброк. А куда потом идут деньги налогоплательщиков - людям знать не нужно - хотя и так понятно - все деньги уходят на содержание семейки, на вертикаль и вертухаев-надзирателей, которые будут репрессиями и оружием усмирять беларусов, чтобы не бунтовали.
0
Не поможет / Адказаць
02.09.2022
Как не пряч , как не шифруй схематоз, в который превратили экономику, а голая опа, от этого, не станет выглядеть прикрытой и одетой.
 Наш король - голый весь, тьфу ты, какой король ?,  наш холоп.
 Нашему холопу, кремлёвский барин, что даст из обносок  и с барского плеча, тем голый зад, наш холоп, и прикрывает.
Каб пакінуць каментар, калі ласка, актывуйце JavaScript у наладах свайго браўзеру