Для большасці людзей укус асы не страшны, але ў прыкладна 20 працэнтаў з-за ўкусу ўзнікае алергічная рэакцыя, і для іх гэтыя насякомыя вельмі небяспечныя.

Хатняя пастка для восаў

Калі восы ўсё роўна дакучаюць вам на дачы, вы можаце зрабіць ўласную пастку для іх. Проста адкруціце корак ад пластыкавай бутэлькі, адрэжце рыльца, наліце ў бутэльку ваду, змяшаную з цукрам, і прыкладзіце адрэзаную частку назад. Змясціце падрыхтаваную такім чынам канструкцыю ў месцы, дзе жыхары дома бываюць нячаста. Восы, прыцягнутыя салодкім пахам, залятуць унутр і не здолеюць выляцець.

Сачыце за ежай і парадкам

Добра закрывайце ўсе прадукты і захоўвайце іх у бяспечным месцы. Незакрытыя прадукты не мусяць ляжаць на адкрытых месцах. Не пакідайце крошкі і кавалкі ежы на стале, як і смецце, якое засталося ад ежы. Затынкуйце ўсе адтуліны, расколіны і будаўнічыя пустэчы ў доме, каб восы не маглі ў іх гнездавацца.

Пастаўце маскітныя сеткі

Восы любяць будаваць свае гнёзды там, дзе бываюць людзі, напрыклад, вакол тэрасы, у карнізах дахаў, а таксама на гарышчах і мансардах. Прыцягнутыя салодкімі пахамі, яны імкнуцца ўляцець у дом, звычайна на кухню, і могуць нападаць на людзей, якія знаходзяцца побач з гняздом. Каб яны не маглі залятаць у дом, трэба паставіць на вокнах маскітныя сеткі.

Як эфектыўна змагацца з восамі?

Калі вы выявілі асінае гняздо блізка ад вашага дома, вам варта як мага хутчэй ліквідаваць яго. Калі вы вырашыце зрабіць гэта самастойна, не забудзьцеся прыняць усе меры засцярогі. Насіце прыдатную ахоўную адзежу, якая закрые ўсё цела і абароніць ад укусаў. Асаблівую ўвага надавайце таму, каб шчыльна закрыць твар, галаву і рукі. Лепшы час, каб разубрыць асінае гняздо, — позні вечар, калі восы спяць або адпачываюць. Памятайце, што чым раней вы выявіце гняздо, тым лягчэй яго ліквідаваць. Нядаўна створанае гняздо памерам з тэнісны мяч, а колькасць восаў у ім невялікая.

Шукайце гнёзды на гарышчы, у гаражы, у кладоўцы, у пустэчах сцен або пад карнізамі даху. Тыя, што пабудаваныя ў зямлі, можна знішчыць, заліўшы кіпенем, а тыя, што знаходзяцца ўнутры будынкаў, вытруціць хіміяй тыпу дыхлафосу.

Але калі ў вас алергія на ўкусы, не варта раскідваць гняздо самастойна. Раз'юшаныя восы могуць вас уджаліць. Лепш папрасіце зрабіць гэта чалавека, якому восы не страшныя.

Чытайце яшчэ:

Што здарыцца з вашым целам, калі штодзень есці грушы

Як выгнаць дразафілаў? Вось якога паху яны баяцца

Як прагнаць павукоў? Калі вы прыменіце гэтыя хітрыкі, павукі збягуць з вашага дому

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Уладзімір / Адказаць
04.09.2022
Навошта адразаць рыльца бутэлькі, каб потым зноўку мацаваць яго назад?
0
Планшыр / Адказаць
04.09.2022
Прасьцей за ўсё надзець на асіную "шышку" (гняздо) плястыкавы пакет, шчыльна завязаць ды зрэзаць. Усё гняздо апынецца ў мяшку. Некалі так і зрабіў, знайшоўшы яго на гарышчы.
1
Важнае звяно ў экабалансе! / Адказаць
04.09.2022
Пасля пастак з плястыкавых бутэляк бальшыня восаў гіне. Ніякіх самастойных санацый гнёздаў! Гэта праца адмыслоўцаў ды надзвычайнікаў. Толькі адмысловыя дымавыя шашкі, якія адпугваюць усіх інсэктаў. Вельмі(!) эфектыўна -- падвесіць пакамечаны папяровы пакет у форме кубла ад восаў, ці нават хопіць сфармаванага ў шар камка газет. Не забівайце восаў!
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру