Фота ілюстрацыйнае

У тэлесюжэце паказваюць кадры, на якіх мужчына двойчы страляе са стрэльбы практычна ва ўпор па быку. Пасля другога стрэлу бык гіне.

Паводле інфармацыі аўтараў сюжэту, стралок — сын 47-гадовага кіраўніка ТАА «Мясакамбінат Ляхавічы». Па версіі следства, гэты чалавек арганізаваў праз сваё прадпрыемства крымінальную схему па незаконнай скупцы буйной рагатай жывёлы ў сельгаспрадпрыемстваў рэгіёна і наступнай пастаўцы мяса ў Расію.

Да 2016 года мясныя фуры гналі «па-чорнаму», а потым вырашылі легалізаваць незаконны бізнэс.

«Яны давалі пазыкі, куплялі некаторую тэхніку, набывалі для сельгаспрадпрыемстваў. З аднаго боку, гэта выглядала нядрэнна — дапамога сельгаспрадпрыемствам. З іншага боку, сельгаспрадпрыемствы адразу станавіліся даўжнікамі гэтага прадпрыемства. Гэта была гарантаваная сыравінная зона, гарантаваная пастаўка сыравіны на прадпрыемствы. Хочаш ты, не хочаш — ты туды павінен будзеш пастаўляць жывёлу», — адзначыў першы намеснік старшыні Ляхавіцкага райвыканкама Васіль Пыжык.

У выніку фактычна ў кабале ў заснавальніка мясакамбіната апынуліся амаль усе асноўныя гаспадаркі вобласці. Толькі за 2020 год і першае паўгоддзе 2021-га на бойню паставілі амаль 30 тысяч галоў. Па дакументах, тут выраблялі 750 тон за год, а па факце — у шэсць разоў больш. Аб'ёмы хавалі, бо большая частка мяса ішла «налева».

Арганізатары схемы стварылі падкантрольныя структуры ў Смаленску, куды пастаўлялі «некандыцыю» па заніжаных коштах, каб эканоміць на падатках. У выніку іх дзеянняў бюджэт не далічыўся каля 3 млн беларускіх рублёў.

На кароткім павадку ў падазраванага былі і асобныя прадстаўнікі мясцовай улады, якія яго «пакрывалі» — за гэта распачата 14 крымінальных спраў.

Негатыўны ўплыў усё гэта аказвала і на экалогію. Ляхавіцкая бойня, інтэнсіўна працуючы, скідвала тэхнічную ваду з цэхаў проста ў найбліжэйшую раку. Акрамя гэтага, мясакамбінат хаваў адыходы вытворчасці на ворных землях.

Заснавальнік мясакамбіната знаходзіцца пад вартай, расследаванне крымінальнай справы працягваецца. Устаноўленыя асноўныя ўдзельнікі злачыннай схемы: ад сваякоў «мясніка» да службовых асоб раёна. Дзейнасць ААТ «Мясакамбінат Ляхавічы» спыненая, прадпрыемства знаходзіцца ў стадыі ліквідацыі, на яго актывы накладзены арышт.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Как обычно / Адказаць
04.09.2022
О, а были на Галерее славы ))) https://www.instagram.com/p/CCnyY40M_6l/
0
семейка корпорейшн / Адказаць
04.09.2022
в стране разрешается красть только одной семейке и ее кланам.
0
даведка / Адказаць
04.09.2022
Прикольно, уже существовали мафии на уровне отраслей экономики, вот признали мафии на уровне районов.
В стране, где районы жёстко подчинены области, области республике, вся республика одному клану Лукашенко. 
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру