«Мы сёння сюды прыехалі для таго, каб абмеркаваць пытанне, якім чынам можна ўдыхнуць жыццё ў гэты ўнікальны аб'ект. Як адзначылі гісторыкі, ён значны па маштабнасці не толькі для Беларусі, але і ўсёй Усходняй Еўропы.

Наш недагляд, што яго развіццю дзяржава не надавала належнага значэння.

Мы ўпершыню гэтае пытанне паднялі, калі сустракаліся ў Інстытуце гісторыі. Сёння ж намецілі першачарговыя дзеянні, якія неабходна зрабіць, каб надаць патрэбную дынаміку развіццю помніка», — сказаў сёння Раман Галоўчанка.

Па яго словах, калі будзе дадзена навуковае абгрунтаванне, катэгорыя помніка будзе павышана як мінімум да другой, гэта значыць помніка рэспубліканскага значэння. «Гэта дасць пэўныя паўнамоцтвы, каб яго адпаведным чынам развіваць, — звярнуў увагу прэм'ер-міністр. — У гісторыкаў існуе кансэнсус, што гэта гарадское паселішча больш старажытнае, чым тое, якое ўзнікла на Нямізе. Таксама ёсць гіпотэзы, што яны існавалі паралельна.

На самай справе гэта не так істотна, бо без уліку таго, ці было гэта гарадзішча папярэднікам сучаснага Мінска альбо няма, гэта, безумоўна, значны помнік. Гэта яшчэ адно сведчанне таго, што беларуская дзяржаўнасць не прыдуманая, не кімсьці прыўнесеная, а спрадвечна наша».

Як адзначыў Раман Галоўчанка, прынята рашэнне, што ў наступным годзе будзе ўзмоцнена навуковае вывучэнне помніка з пункту гледжання археалагічных раскопак.

«Ёсць прапанова, каб студэнты ўсіх гістарычных факультэтаў (у краіне іх 16) наступным летам былі прыцягнутыя сюды для ажыццяўлення маштабных раскопак, якія намецілі спецыялісты-археолагі. Тут, магчыма, будуць цікавыя знаходкі, якія ў тым ліку пральюць святло на гісторыю гэтага месца, — падкрэсліў прэм'ер-міністр. — Таксама паралельна будзем займацца пытаннямі стварэння тут гісторыка-археалагічнага комплексу. Канцэпцыя яго развіцця павінна быць створана на аснове навуковых рэкамендацый. Сёння мы пра гэта прынцыпова дамовіліся, і хутка, я спадзяюся, прымем афіцыйнае рашэнне», — сказаў прэм'ер Беларусі.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Axel Justas / Адказаць
10.09.2022
А што, лукашысты ведаюць, што беларуская гісторыя існавала і да 1945 года?
0
мясцовы2 / Адказаць
10.09.2022
Божа, супыні іхні думкі, зрабі так каб яны забыліся пра гэтыя ідэі, каб грошай не знайшлося на раскопкі, і каб іх усіх СНІД і халера ўзяла.
Амэн.
0
Рогъволдъ / Адказаць
10.09.2022
режим начинает сыпаться!
Паказаць усе каментары/ 9 /
Каб пакінуць каментар, калі ласка, актывуйце JavaScript у наладах свайго браўзеру