Прасцей кажучы, купіць білет на міжнародны аўтобус, які ідзе праз Польшчу, змогуць толькі ўладальнікі нацыянальнай польскай візы, праз Літву — толькі літоўскай, а праз Латвію — толькі латвійскай. Пры гэтым пасажыру з нацыянальнай нямецкай візай адмовяць у куплі квітка на рэйс з Мінска ў Мюнхен, бо аўтобус перасякае беларускую мяжу з Польшчай. Па гэтай жа прычыне пасажыр з польскай нацыянальнай візай не зможа купіць білет на аўтобус да Вільні ці Рыгі.

У «Мінсктрансе» патлумачылі, што правіла дзейнічае з 7 верасня. Для ўладальнікаў звычайных шэнгенскіх віз нічога не змянілася.

Змены назвалі часовымі і звязваюць іх са складанасцямі пры перасячэнні дзяржаўнай мяжы з краінамі Шэнгенскага пагаднення.

У сваю чаргу, на аўтавакзале ў Брэсце распавялі, што ніякіх абмежаванняў для продажу квіткоў не ўводзілі:

— Візу мы не правяраем, вы самі несяце за яе адказнасць. Без пытанняў прадаём квіткі і беларусам, і палякам.

Няма абмежаванняў на куплю білетаў і ў прыватных перавозчыкаў з Мінска. Прадстаўнікі адной з кампаній пацвердзілі, што квіткі ў аэрапорт Вільні або Каўнаса без праблем прадаюць па нацыянальных візах Польшчы і іншых краін.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
Ну, што тут скажаш ? / Адказаць
12.09.2022
Нехта у Мінсктрансе пабег наперадзе цягніка. Пэўна мэнэджмэнт там разрахоўвае крокі на прадбачанную перспектыву, то бок жывуць ня толькі бягучым днём...
Каб пакінуць каментар, калі ласка, актывуйце JavaScript у наладах свайго браўзеру