Фота: ГУР Украіны.

Новае пакаленне

Украінскі разведчык нарадзіўся 4 студзеня 1986 года ў Кіеве. У 21-гадовым узросце Буданаў скончыў Адэскі інстытут сухапутных войскаў. Пасля чаго пачаў ваенную кар'еру са службы ў спецназе Галоўнага ўпраўлення разведкі Міністэрства абароны Украіны (ГУР), дзе займаў розныя пасады.

Калі СССР разваліўся, Буданаву было ўсяго 5 гадоў. Ён з'яўляецца прадстаўніком новага пакалення ўкраінскіх вайскоўцаў, якія абапіраюцца на заходні, а не савецкі досвед. Калі Зяленскі прызначыў Буданава, украінскага прэзідэнта крытыкавалі за тое, што на такую сур’ёзную пасаду ён прызначыў на той момант 34-гадовага чалавека. Уступіўшы на пасаду, ён заняўся наладжваннем сувязяў са спецслужбамі Злучаных Штатаў і Турцыі і засяродзіўся на тым, каб зрабіць разведвальную службу Украіны менш іерархічнай, больш гнуткай і гарызантальнай.

Пасада Буданава ключавая. Без атрымання інфармацыі ад заходніх саюзнікаў (за гэта адказваў Буданаў) Украіне было б нашмат складаней супрацьстаяць ворагу. 

Прайшоў Данбас і атрымаў цяжкае раненне

Кірыл Буданаў удзельнічаў у баявых дзеяннях на Данбасе ў 2014 годзе, калі Расія напала на Украіну. На фронце ён атрымаў некалькі раненняў, адно з якіх цяжкае.

Вядома, што ён правёў спецаперацыю ў Армянску ў акупаваным Крыме ў 2016 годзе.

Украінскія СМІ паведамлялі, што Кірыл Буданаў мог служыць пад камандаваннем камандзіра 10-га асобнага атрада спецыяльнага прызначэння, начальніка спецыяльнага рэзерву Галоўнага упраўлення разведкі Міністэрства абароны Украіны Украіны Максіма Шапавала, які летам 2017 года трагічна загінуў у выніку падрыву машыны, спланаванага расійскімі спецслужбамі.

Перажыў замах

Буданаў і сам стаў цэллю расійскіх дыверсантаў яшчэ ў 2019 годзе. У ноч на 4 красавіка 2019 года ў Кіеве ўзарвалі аўтамабіль Chevrolet Evanda. 

Фота: ГУР Украіны.

Аўтамабіль разведчыка спрабаваў падарваць расіянін з дакументамі на імя Аляксея Ламака. Ён усталяваў міну пад машынай, аднак падчас гэтага яна здэтанавала. У выніку няўдалага замаху СБУ ўдалося затрымаць цэлую групу дыверсантаў, якія арганізоўвалі замах на Буданава.

У 2020-м Буданава прызначылі намеснікам дырэктара Дэпартамента Службы замежнай разведкі.

У тым жа годзе прэзідэнт Украіны Уладзімір Зяленскі прызначыў Кірыла Буданава начальнікам ГУР. 

Ужо ў жніўні 2021 года Буданаў атрымаў воінскае званне брыгаднага генерала, а ў красавіку 2022 года — генерал-маёра. 

Карыстаецца даверам Зяленскага

Кірыл Буданаў — прафесійны вайсковец, які ўдзельнічаў у баявых дзеяннях і паспеў папрацаваць у спецслужбах,— прынцыповым чынам адрозніваецца ад іншых прадстаўнікоў акружэння Уладзіміра Зяленскага, многія з якіх прыйшлі на дзяржаўныя пасады (у тым ліку ў сілавых структурах) з шоу-бізнэсу або грамадзянскай службы.

Яшчэ ў 2021 годзе вельмі дакладна спрагназаваў наступ Расіі 

Кірыл Буданаў яшчэ ў лістападзе 2021 года заявіў, што Расія рыхтуе ўварванне ва Украіну. Буданаў гаварыў, што яно можа адбыцца ў канцы студзеня — пачатку лютага (памыліўся на некалькі тыдняў). Падобны ацэнак прытрымліваліся і амерыканцы. Нагадаем, у той момант Масква неаднаразова хлусіла, што планаў ўварвання ва Украіну ў яе няма.

Фота: ГУР Украіны.

Буданаў прагназаваў, што напад Расіі пачнецца з артылерыйскіх і авіяцыйных удараў, а таксама высадкі марскога дэсанту ў раёне Адэсы і Марыупаля. Таксама, як казаў Буданаў, наступ будзе весціся з тэрыторыі Беларусі.

Генерал меркаваў, што перад вайной будзе праводзіцца аперацыя па дэстабілізацыі Украіны з мэтай прымусіць яе насельніцтва не аказваць супраціў.

«Яны хочуць арганізоўваць мітынгі і акцыі пратэсту, каб паказаць, што людзі выступаюць супраць улады», — казаў Буданаў. 

«Яны хочуць, каб сітуацыя ва Украіне ўвесь час горшала, і дамагчыся, каб самі ўкраінцы змянілі ўладу. Калі ім гэта не ўдасца, у справу ўступіць армія», — заяўляў Буданаў.

Падобная ацэнка сітуацыі ад кіраўніка ўкраінскай разведкі аказалася даволі дакладнай, хаця расіяне і не рэалізавалі ўсё задуманае. 

Не падбірае словаў адносна Расіі

У адрозненне ад палітычнага кіраўніцтва краіны, якое яшчэ часам падбірае словы, Буданаў пра Расію выказваецца рэзка. Ён адкрыта кажа, што мэта Расіі — знішчэнне Украіны, называе гэтую краіну «монстрам з ядзерным дручком» і не верыць у тое, што расіяне могуць і хочуць нешта змяніць. 

Фота: ГУР Украіны.

Пратэсных настрояў у Расіі, кажа Буданаў, чакаць не варта. Ні санкцыі, ні страты ад вайны іх не цікавяць. Над людзьмі праводзілася доўгая прапагандысцкая праца. Яны пра ўсё ведаюць і падтрымліваюць дзеянні Пуціна, мяркуе ўкраінскі генерал.

«Адкрыйце іх паблік, каментары пачытайце, што яны там пішуць. Гэта ж не піша Пуцін ці Патрушаў, не», — кажа Буданаў. 

Розныя ўкраінскія палітыкі па-рознаму глядзяць на тое, што можна лічыць перамогай у вайне. Для кагосьці перамога — расійскія войскі, адкінутыя на межы 24 лютага. Для іншых — дэакупацыя ўсяго Данбасу, а для некаторых — уключна з Крымам.

Буданаў заяўляе, што вайна будзе працягвацца да поўнага вызвалення ўкраінскіх тэрыторый, у міжнародна прызнаных межах 1991 года. 

«Я не ведаю ніякіх меж, акрамя меж 1991 года», — сказаў генерал, маючы на ўвазе год, калі Украіна здабыла незалежнасць.

«Хто можа прымусіць Украіну замарозіць канфлікт? Гэта вайна ўсіх украінцаў, і калі нехта ў свеце думае, што можа дыктаваць Украіне ўмовы, у якіх яна можа ці не можа абараняцца, — сур'ёзна памыляецца», — дадаў Кірыл Буданаў.

Адказваючы на пытанне журналіста брытанскай газеты Financial Times аб формах барацьбы супраць Расіі, кіраўнік украінскай вайсковай гаварыў пра партызанскую вайну на акупаваных тэрыторыях, у прыватнасці згадаўшы падрыў аўтамабіляў прадстаўнікоў адміністрацыі ў Херсонскай вобласці. Па яго словах, напады «праводзіліся, праводзяцца і будуць праводзіцца ў Расіі і ў многіх іншых месцах».

Адным з ключавых кампанентаў працы Буданава была арганізацыя партызанскіх атрадаў, якія засталіся ў тыле расіян і палююць на мясцовых здраднікаў-калабарантаў. 

Уляпаўся ў непрыемны скандал

Украінскія журналісты ў 2021 годзе высветлілі, што Буданаў жыў у адным будынку са скандальна вядомым намеснікам кіраўніка МУС Украіны Аляксандрам Гагілашвілі. 

Скандал быў у тым, што ў Гагілашвілі быў дзеючы расійскі пашпарт і падатковы нумар і раней ён нават працаваў памочнікам дэпутата расійскай Думы Мікалая Валуева. 

Журналісты высветлілі, што Буданавы і Гагілашвілі сябруюць сем’ямі. Сам Гагілашвілі нават выкладваў сумесныя фоты з Буданавым, зробленыя ў жніўні 2021 года. 

Фота: Слідство-Інфо.

Буданаў прызнаў, што жыў у памяшканні Гагілашвілі, бо ў ягонай кватэры быў рамонт. Але сумесны побыт галоўнага ваеннага разведчыка Украіны і грамадзяніна Расіі выклікаў тады шмат пытанняў. 

Гагілашвілі сваю пасаду страціў, на кар'еры Буданава скандал не адбіўся.

Дзёрзкасць і працаздольнасць

Унікальнае спалучэнне дзёрзкасці і працаздольнасці зрабілі Буданава ідэальным кіраўніком разведкі ваеннага часу. І гэтая разведка — пра ролю саюзнікаў у гэтым можна спрачацца — раз за разам перамагае расійскую.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

1
даведка / Адказаць
17.09.2022
Шейман со Шведом совсем щеглы на его фоне, став генералами "аж только" в 38 лет...
17
День щекотунчиков sentyabr/17 / Адказаць
17.09.2022
паказала сыну (16 г.) першае фота. ну мне проста ад аднаго ягонага выгляду стала щекотно)
смешная "форма"... шапачка (гэта сын так фурашку назваў)... уся гэта танная біжутэрыя - брошкі і інш., якая ў гэтых красавцев медалямі і пагонамі пэўна завецца

сын:
- мам, он напомнил мне (фото показывает) Роммель Эрвин
- это кто? чем он отличился?
- ему тоже топлива не хватало
- чего?
- топлива
- где?
- в Африке
10
за прагнозамі - гэта да рабава ці да вангі / Адказаць
17.09.2022
"Буданаў прагназаваў, што напад Расіі пачнецца з артылерыйскіх і авіяцыйных удараў, а таксама высадкі марскога дэсанту ў раёне Адэсы і Марыупаля. Таксама, як казаў Буданаў, наступ будзе весціся з тэрыторыі Беларусі."

прагназаваў? ці ўсё вядома і спланавана было?
Паказаць усе каментары/ 14 /
Каб пакінуць каментар, калі ласка, актывуйце JavaScript у наладах свайго браўзеру