Фота: сацыяльныя сеткі
Яна марыла сыграць Моніку Бялучы, але ёй дасталася іншая роля. Вядучая праграмы «Нашы навіны» Наталля Немагай працуе на АНТ амаль 20 гадоў. Цяпер, апроч навін пра надзвычайныя здарэнні і працоўныя паездкі Лукашэнкі, яна сваім фірмовым грудным голасам зачытвае фэйкі пра Украіну і распальвае варожасць да краін Еўропы.
Але, магчыма, яна сама не прымае тое, што чытае на камеру ўсур'ёз. Бо ў сацсетках яна піша: «Вельмі люблю Італію, мы з сынам там праводзім адпачынак: ездзім і на лыжах катацца, і летам на мора».
Захапляецца Італіяй Наталля даўно.
«У інстытуце я вывучала латынь, а італьянская цалкам на ёй пабудаваная, — так гэта бачыць перадавік лукашэнкаўскай прапаганды. — Займаюся ў навучальным цэнтры пры пасольстве. У нас шмат сустрэч з італьянцамі, семінараў, фільмаў, я заўсёды з радасцю іду на заняткі», — казала Наталля Немагай.
Фота: сацыяльныя сеткі
У сваім інстаграме Наталля пазначыла на італьянскай, што яна тэлевядучая. І дадала фразу «Con i nostri pensieri costruiamo il mondo», якая перакладаецца як «сваімі думкамі мы будуем свет».
Чытайце таксама:
«Мы працуем філігранна». Хто такая Наталля Немагай — вядучая АНТ, якая зачытвае фэйкі ў эфіры
«Усё больш яўны раскол паміж Узброенымі сіламі і ўладамі Украіны». АНТ ілжэ ўсё больш прымітыўна
