У сацсетках публікуюць відэакадры, на якіх бачны невядомы картэж, які перамяшчаецца па Абхазіі ў суправаджэнні машын дарожна-патрульнай службы. Telegram-канал АМРА-life піша, што «картэж з прэзідэнтам сяброўскай краіны ўжо праехаў Гагру».

Але дакладнай інфармацыі няма і ў абхазаў. Па словах журналісткі Ізіды Чанія, «вельмі дрэнна, што грамадства не ведае дакладнай інфармацыі». «Уся Абхазія гадае, хто заехаў да нас у госці», — адзначыла яна.

26 верасня Аляксандр Лукашэнка прыляцеў у Сочы з працоўным візітам да прэзідэнта Расіі Уладзіміра Пуціна.

Але наступныя два дні ніякіх навін пра яго візіт не было. Толькі прэс-сакратар Крамля Пяскоў сказаў, што нібыта сустрэча Пуціна і Лукашэнкі працягваецца. 

Аляксандр Лукашэнка раней заяўляў, што не выключае прызнання незалежнасці Абхазіі і Паўднёвай Асеціі. Паводле яго, як толькі ён зразумее неабходнасць гэтага кроку, і пра гэта яму скажа прэзідэнт РФ Уладзімір Пуцін, тады гэта можа адбыцца. Прэс-сакратар прэзідэнта РФ Дзмітрый Пяскоў пасля гэтага сказаў, што Крэмль не будзе пасылаць нейкія сігналы Аляксандру Лукашэнку аб неабходнасці прызнання незалежнасці Паўднёвай Асеціі і Абхазіі, а таксама Крыма як расійскага рэгіёна.

У жніўні 2021 года Лукашэнка распавёў, чаму не прызнаў Паўднёвую Асецію і Абхазію. Паводле яго, Захад пагражаў Мінску дадатковымі санкцыямі ў выпадку прызнання незалежнасці гэтых самаабвешчаных рэспублік, Масква ж адмовілася кампенсаваць эканамічныя страты. Пры гэтым ён назваў «нядобрым фактам», калі «Асецію адарвалі ад Грузіі».

Абхазскі лідар Аслан Бжанія казаў, што Абхазія гатовая далучыцца да Саюзнай дзяржавы Расіі, Беларусі і іншых краін, якая можа быць утвораная пасля вайны ва Украіне. Пры гэтым абхазскі лідар дадаў, што ў Абхазіі няма афіцыйных кантактаў з кіраўніцтвам Беларусі.

label.reaction.like
label.reaction.facepalm
label.reaction.smile
label.reaction.omg
label.reaction.sad
label.reaction.anger

Хочаш падзяліцца важнай інфармацыяй ананімна і канфідэнцыйна?

0
AlesGut / Адказаць
28.09.2022
Што можа быць загадкавага ў дзеяньнях марыянетак. Робяць тое што загадваюць
0
Yuri / Адказаць
28.09.2022
Интересно, если Абхазия - независимое государство, почему туда нет очереди из узких? Тот же вопрос про Южную Осетию. Получается, сами жители РФ прекрасно понимают фейковость государстенности на всех оккупированных территориях, раз не бегут туда сломя голову.
0
даведка / Адказаць
28.09.2022
Как бы Лукашенко, поехав Гагру, не попал в Гаагу...
Паказаць усе каментары/ 4 /
Каб пакінуць каментар, калі ласка, актывуйце JavaScript у наладах свайго браўзеру