Абаронцы Украіны не могуць патапіць усе паромныя пераправы, паколькі на іх сапернік разам з ваеннай тэхнікай ставіць грамадзянскія машыны і перавозіць мірных людзей у якасці пасажыраў, распавёў ваенны эксперт, палкоўнік запасу Алег Жданаў.
«Мы не можам патапіць усе паромы менавіта таму, што гэтымі паромамі карыстаюцца мясцовыя жыхары…», — адзначыў ён.
Эксперт падкрэсліў, што на правабярэжжы баяздольнасць войскаў саперніка зніжаецца паступова.
«За кошт таго, што колькасць спажываных матэрыяльных рэсурсаў гэтай групоўкі нашмат большая, чым тыя рэсурсы, якія расійскае камандаванне ў стане сёння перапраўляць праз Дняпро, па гэтай прычыне адбываецца паступовае зніжэнне баяздольнасці расійскіх войскаў на правым беразе Дняпра. За кошт інтэнсіўнасці нашага вядзення агню», — дадаў палкоўнік.
Жданаў падкрэсліў, што, на вялікі жаль, працэс вызвалення правабярэжнай часткі Херсонскай вобласці зацягваецца.
