Майстэрні мастакоў размяшчаюцца ў былых воданапорных вежах, якіх гродзенцы называюць Кася і Бася. Яны належаць Беларускаму саюзу мастакоў. Арэнда для творцаў бясплатная, але яны павінны аплачваць камунальныя плацяжы.

У чэрвені 2022 года мастакам выставілі рахунак на выплату запазычанасці ў 22 тысячы рублёў за карыстанне зямлёй у апошнія шэсць гадоў. Раней паведамленні аб запазычанасцях ім не прысылалі. Калі карыстальнікі не змогуць аплаціць запазычанасць, то абласную арганізацыю мастакоў аштрафуюць і закрыюць, а пазыку атрымае на свае плечы рэспубліканскі саюз мастакоў.

Рэспубліканскі саюз мастакоў у Мінску гатовы заплаціць 15 тысяч, астатнія 7 тысяч мастакі павінны выплаціць самі. Пасля звароту ў падатковую і Гродзенскі гарвыканкам ім далі адтэрміноўку на адзін месяц. Зараз мастакі спрабуюць знайсці спонсара і разлічыцца з ім сваімі творамі.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру