Кантрабандысты беларускіх цыгарэт абсталявалі Audi схованкай з шыпамі на выпадак пагоні
Польскія памежнікі затрымалі траіх грамадзян Польшчы — у машыне затрыманых і памяшканні, дзе яна знаходзілася, знайшлі 22 тысячы пачкаў беларускіх цыгарэт, перадае Памежная служба Польшчы. Іх ацанілі ў 324 000 злотых (каля 66 000 даляраў). Але незвычайнасць была не ў гэтым.
За заднім бамперам Audi кантрабандысты абсталявалі два невялікія адсекі з вечкамі, якія адкрываліся з салона аўто.
Пры актывацыі механізму на дарогу высыпаліся самаробныя шыпы, якія мусілі ў выпадку пагоні за імі ўскладніць жыццё памежнікам, прабіваючы колы іх аўтамабілям.
Усяго з пачатку 2022 года функцыянеры Падляшскага аддзела Памежнай службы Польшчы выявілі кантрабанду цыгарэт на суму больш чым 6,2 млн злотых.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
