«На судзе Наста заявіла, што падчас арышту яе двойчы вадзілі на гутаркі з супрацоўнікамі ГУБАЗіКа, дзе адзін раз яе ўдарылі электрашокерам, а 11 лістапада адзін з супрацоўнікаў ЦІП вывеў яе ва ўнутраны двор і пакінуў без вопраткі на 8 гадзін. Наста моцна захварэла.
За ўвесь гэты час на Акрэсціна атрымалася перадаць лякарствы, аднак ёсць інфармацыя, што яны так і не дайшлі да Насты. Яна па-ранейшаму знаходзіцца ў зняволенні без цёплых рэчаў і сродкаў асабістай гігіены», — паведамляе тэлеграм-канал @humanconstanta.
Нагадаем, Насту затрымалі 28 кастрычніка і пазней асудзілі на 15 сутак арышту за «дробнае хуліганства» (арт. 19.1 КаАП).
