Дарога Крычаў—Чэрыкаў, 27 лістапада. Фота: паблік «Могилев сейчас»

За дзень у вобласці выпала ад 7 да 11 мм ападкаў (дэкадная норма складае 14 мм). У Магілёве выпала 14 мм.

У суботу і нядзелю былі праблемы з электрычнасцю ў 476 населеных пунктах. Парушалася праца 1480 трансфарматарных падстанцый, 102 МТФ, паведамляе МНС.

На 6 раніцы 27 лістапада былі адключаны 74 населеныя пункты, 152 трансфарматарныя падстанцыі ў Клімавіцкім, Касцюковіцкім, Крычаўскім, Чавускім і Чэрыкаўскім раёнах.

Падраздзяленні МНС за суткі здзейснілі 26 выездаў на ўборку паваленых дрэў.

На трасе Магілёў—Бабруйск фура вылецела ў кювет, 26 лістапада. Фота: паблік «Авто Могилев»

Крычаў

Магілёў

ДТЗ на Болдзіна, Магілёў. Фота: паблік «Авто Могилев»

Магілёў, вуліца Куляшова. Фота: паблік «ДТП и ЧП Могилев»

У суботу каля вёскі Засценкі пад Магілёвам легкавік сутыкнуўся з грузавіком, загінула 15-гадовая дзяўчынка. 

46-гадовы кіроўца машыны Renault не ўлічыў умовы надвор'я і небяспечна зблізіўся з трактарам, які прыбіраў праезную частку і рухаўся ў спадарожным кірунку. У выніку аўто занесла на сустрэчную паласу, дзе легкавік сутыкнуўся з грузавіком Scania.

Ад атрыманых траўмаў 15-гадовая дзяўчынка, якая знаходзілася ў Renault, загінула на месцы. Кіроўцу і яшчэ адну ягоную пасажырку шпіталізавалі.

Паўплывала на трагічны зыход тое, што на легкавіку зімовыя шыны былі з моцным зносам пратэктара.

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

Каб пакінуць каментар, калі ласка, актывуйце JavaScript у наладах свайго браўзеру