Так выглядае платформа «Новая Беларусь»

Распрацоўшчыкі абяцаюць, што на гэтай платформе змогуць гуртавацца беларусы, каб атрымліваць дапамогу, шукаць і прапаноўваць працу, разам бавіць час, ладзіць праекты і прымаць супольныя рашэнні. 

Чытайце таксама: «Паспрабуем сабраць беларусаў як нацыю ў адно вялікае кам'юніці». Айцішнікі стварылі «Лічбавую Беларусь»

«Гэта магчымасць для тых, хто засталіся ў краіне, анлайн удзельнічаць у культурным, сацыяльным, а пазней і палітычным жыцці.

А тыя, хто з’ехалі, займеюць новыя гарызантальныя сувязі з землякамі і зямлячкамі, якіх раскідаў час па розных краінах. Кожны і кожная тут будуць сярод сваіх», — кажуць распрацоўшчыкі платформы «Новая Беларусь» Павел Лібер і Яраслаў Ліхачэускі.

Мэтай айцішнікаў было стварэнне прасторы, на якой можна знайсці ўсё неабходнае, калі пераязджаеш у новую краіну. 

«А ў працэсе працы нарадзілася нешта большае — цэлая дзяржава ў смартфоне. Мы запрашаем усіх неабыякавых да адкрытага бэта-тэставання», — кажа Яраслаў Ліхачэускі. 

Зараз у прыкладанні ёсць блокі з навінамі, гайдамі па рэлакацыі, медычнымі і юрыдычнымі сэрвісамі, культурніцкімі падзеямі, бізнэсамі ды магчымасцю праводзіць апытанні.

Платформа «Новая Беларусь» можа стаць падмуркам для беларускай лічбавай дзяржавы. У хуткім часе тут абяцаюць запусціць плацёжную сістэму, якая дазволіць плаціць за тыя ці іншыя сервісы.

Спасылкі на аплiкацыю:

«Новая Беларусь» — Play Market

«Новая Беларусь» — App Store

Чытайце таксама: 

Як абараніць сябе і свой акаўнт у WhatsApp: пакрокавы гайд

Як пачысціць тэлеграм-боты, каб не засталося ніякіх слядоў ВІДЭА

Эксперт па бяспецы заклікае выдаліць усе асабістыя паведамленні ў Twitter пасля куплі яго Маскам — і вось чаму

Клас
Панылы сорам
Ха-ха
Ого
Сумна
Абуральна

Хочаш падзяліцца важнай інфармацыяй ананімна і канфідэнцыйна?

0
BLR / Адказаць
02.12.2022
Няведаю, але нічога не выдае пошук на Play Market. Куфар новая беларусь есьць, а больш нічога
0
хтосьці / Адказаць
02.12.2022
Спасылка на АпСтор не адпрацоўвае - выпраўце, калі ласка
3
Фелікс Радрыгес, забойца вылюдка ЧэГевары / Адказаць
02.12.2022
Наша Ніва, запытацца ў іх ці праводзілася праверка сярод каманды на наяўнасць чарговага заслана казачка? Ці як з ЧКБ адбудзецца??
Паказаць усе каментары/ 5 /
Каб пакінуць каментар, калі ласка, актывуйце JavaScript у наладах свайго браўзеру