Высветлілася, што 24-гадовы хлопец скраў аўтамабіль, які пакінулі для хімчысткі салона.
У гэты дзень хлопец шмат піў са сваім прыяцелем. У нейкі момант ён вырашыў з'ездзіць да бабулі ў Валожынскі раён па самагон і грошы.
Хлопец узяў ключы, якія перадаў работнікам аўтамыйкі ўладальнік аўтамабіля, і разам з прыяцелем з'ехаў на чужой машыне.
Пасля гасцявання ў бабулі вяртаўся ў Мінск, аднак трапіў у ДТЗ і ўцёк з месца здарэння. Мужчыну затрымалі. Вядома, што раней ён быў судзімы за рабаванне.
