Лукашэнка зноў ляціць у Расію
У падмаскоўным Зорным гарадку Аляксандр Лукашэнка па запрашэнні Уладзіміра Пуціна наведае Навукова-даследчы выпрабавальны цэнтр падрыхтоўкі касманаўтаў імя Гагарына. У цяперашні час кандыдаты праходзяць там адбор на палёт у космас ад Беларусі.
Лукашэнка азнаёміцца з работай цэнтра, сістэмай адбору і падрыхтоўкі касманаўтаў. Размова пойдзе і аб далейшых перспектывах беларуска-расійскага супрацоўніцтва ў касмічнай сферы.
Таксама ён возьме ўдзел у нефармальнай сустрэчы кіраўнікоў дзяржаў — удзельніц СНД, якая адбудзецца 26-27 снежня ў Санкт-Пецярбургу.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
