Камісія па пошуках экстрэмізму не знайшла яго толькі ў 1,5% выпадкаў
Рэспубліканская камісія па ацэнцы інфармацыйнай прадукцыі на прадмет наяўнасці (адсутнасці) у ёй прыкмет экстрэмізму ў 2021—2022 гадах ацаніла 1400 аб'ектаў, паведамляецца ў справаздачы аб дзейнасці дэпутата Палаты прадстаўнікоў Ліліі Ананіч, якая яе ўзначальвае.
Лілія Ананіч
«З іх у 1 379 прыкладах устаноўлена наяўнасць прыкмет экстрэмізму і рэабілітацыі нацызму. Па ўсіх выяўленых матэрыялах прынятыя адпаведныя рашэнні», — гаворыцца ў справаздачы.
Такім чынам, прыкметы экстрэмізму камісія выявіла ў 98,5% аб'ектаў, якія патрапілі да яе на вывучэнне.
Заключэнне аб наяўнасці прыкмет экстрэмізму можа пацягнуць за сабой зварот у суд для прызнання інфармацыйнай прадукцыі экстрэмісцкімі матэрыяламі.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
