Усе фота: «Мінск-Навіны»
Па вуліцы Жукоўскага рух арганізаваны па трох палосах у кожным напрамку. Ёсць палосы разгону і тармажэння. На развязцы — святлодыёднае асвятленне. Уздоўж вуліцы Жукоўскага абсталяваныя веладарожка і пешаходная дарожкі, устаноўленыя агароджы.
— Вуліца Аэрадромная — даволі важная транспартная артэрыя горада, участак другога транспартнага кальца, — каментуе старшы інжынер па арганізацыі дарожнага руху Уладзімір Сергяенка. — Дзякуючы адкрыццю развязкі палепшацца транспартныя сувязі ў жылым комплексе «Мінск Мір», палегчыцца выезд для кіроўцаў, якія пражываюць па суседстве, павялічыцца прапускная здольнасць вул. Аэрадромнай.
