Глеб Гладкоўскі. Фота з сацыяльных сетак
Вядома, што Глебу выставілі абвінавачванне паводле ч. 1 арт. 368 Крымінальнага кодэкса (абраза Лукашэнкі), арт. 198 КК (перашкода законнай прафесійнай дзейнасці журналіста), ч. 3 арт. 361 КК (заклікі да мер абмежавальнага характару (санкцый), іншых дзеянняў, накіраваных на прычыненне шкоды нацыянальнай бяспецы Рэспублікі Беларусь), ч. 1 арт. 130 КК (распальванне іншай сацыяльнай варожасці).
Справу разглядала суддзя Святлана Чарапанава.
Глеб Гладкоўскі — вядомы арганізатар аэраздымак квадракоптарамі. Быў затрыманы 30 верасня 2021 года ў Брэсце паводле крымінальнай справы, распачатай за каментарыі ў інтэрнэце пасля гібелі супрацоўніка КДБ Дзмітрыя Федасюка і it-спецыяліста Андрэя Зельцэра. Вядома, што Глеб пакінуў паведамленне «Димон ту-ду-ту» (паводле музыкі з фільма «Бумер»).
Сачатку Гладкоўскага ўтрымлівалі ў СТ-8 у Жодзіне, у сярэдзіне мая 2022 г. стала вядома аб пераводзе палітвязня ў СІЗА-1 Мінска. 8 лістапада распачаўся разгляд справы.
Суд прызнаў Глеба Гладкоўскага вінаватым і прызначыў яму пакаранне ў выглядзе пазбаўлення волі ва ўмовах агульнага рэжыму тэрмінам на пяць гадоў.
