Паводле інфармацыі газеты, групу мытнікаў з Баброўнікаў затрымалі 9 лютага да прыняцця Польшчай рашэння аб закрыцці мясцовага памежнага пераходу. Імаверна, гаворка ідзе пра карупцыю. Інфармацыю аб затрыманні мытнікаў выданне атрымала ў ноч з 10 на 11 лютага, ужо пасля закрыцця памежнага пераходу (апоўдні 10 лютага).
Адзін з двух чалавек, якія перадалі выданню інфармацыю пра затрыманні, сцвярджае, што пасля затрымання мытнікаў «на гэтым пераходзе працаваць няма каму». Іх справа разглядаецца ў Беластоку пад наглядам Нацыянальнай пракуратуры Польшчы.
