Кітайскі лідар Сі Цзіньпін і прэзідэнт Расіі Уладзімір Пуцін. Фота: Alexandr Demyanchuk, Pool Sputnik Kremlin, AP
Паводле атрыманай Spiegel інфармацыі, расійскія вайскоўцы нібыта вядуць перамовы з кітайскім вытворцам беспілотнікаў Xi'an Bingo Intelligent Aviation Technology.
Паведамляецца, што кампанія пагадзілася вырабіць і выпрабаваць 100 прататыпаў беспілотнікаў ZT-180 перад пастаўкай іх Міністэрству абароны Расіі да красавіка 2023 года. Вайсковыя эксперты лічаць, што ZT-180 здольныя несці боегалоўку вагой ад 35 да 50 кілаграмаў.
Раней дзяржсакратар ЗША Энтані Блінкен заявіў, што ЗША «занепакоеныя» тым, што Кітай разглядае магчымасць паставак зброі Расіі. Дыпламат дадаў, што Пекін папярэджаны аб «сур'ёзных наступствах» у выпадку такога рашэння.
Сам Кітай адмаўляе тое, што разглядае пытанне перадачы Расіі смертаноснай зброі. У кітайскім МЗС краіны НАТА абвінавацілі ў паклёпе, а таксама назвалі Паўночнаатлантычны альянс і ЗША «найбуйнейшай крыніцай зброі на полі бою ва Украіне».
Чытайце таксама:
Лукашэнка анансаваў выступ Сі Цзіньпіна наконт вайны ва Украіне
Кітай прапануе новы план урэгулявання канфлікту ва Украіне
Сі Цзіньпін плануе наведаць Расію
