Фота: sk.gov.by
Аднак следства высветліла, што ўсё было зусім не так.
Увечары 17 лютага 32-гадовая маці дзяўчынкі выпівала разам з сужыцелем. Шум дзяцей у суседнім пакоі ім перашкаджаў, і жанчына паспрабавала супакоіць малых пагрозамі і крыкамі. Калі гэта не спрацавала, у прыступе злосці жанчына схапіла ў рукі кухонныя нажніцы і кінула вастрыём у старэйшую дачку. У выніку ў дзяўчынкі пранікальная траўма галавы з пераломам костак чэрапа. Цяпер яе жыццю нічога не пагражае.
Як усё было насамрэч, пазней распавяла малодшая сястра пацярпелай.
Жанчыну аператыўна затрымалі супрацоўнікі міліцыі. Падчас допыту яна распавяла следчаму, што папрасіла дзяцей схлусіць праваахоўнікам — спалохалася, што яе пасадзяць у турму, а дзяцей забяруць у прытулак.
Шматдзетная маці знаходзіцца ў адпачынку па доглядзе за дзіцём да 3 гадоў, яе малодшаму сыну ўсяго адзін год. Пасля здарэння дзяцей забралі з сям'і, цяпер яны знаходзяцца пад наглядам спецыялістаў.
Жанчыне выстаўлена абвінавачанне па артыкуле аб наўмысным прычыненні цяжкага цялеснага пашкоджання, здзейсненага ў дачыненні да заведама малалетняга. Яна пад вартай.
Расследаванне крымінальнай справы працягваецца.
