Фота: Olivier Matthys / AP
«Я запрасіў прэзідэнта Зяленскага ўзяць удзел у саміце НАТА ў Вільні. Я цвёрда веру, што гэта будзе моцным знакам нашай салідарнасці, падтрымкі, якую саюзнікі аказваюць Украіне, і я спадзяюся, што спадар Зяленскі зможа прысутнічаць. Вядома, гэта будзе залежаць ад сітуацыі ва Украіне, якая ўсё яшчэ знаходзіцца ў стане вайны», — адзначыў генеральны сакратар.
Амбасадар Украіны ў Літве Пётр Бешта ў лютым заяўляў, што прэзідэнт Зяленскі плануе асабіста наведаць саміт НАТА ў Вільні, але Украіна чакае запрашэння.
З пачатку расійскага ўварвання 24 лютага 2022 года Зяленскі наведаў ЗША, Вялікабрытанію, Францыю і Бельгію.
30 верасня 2022 года прэзідэнт Уладзімір Зяленскі абʼявіў аб падпісанні Украінай заяўкі на паскоранае ўступленне ў НАТА.
Расійскае ўварванне прывяло да росту еўраатлантычных настрояў украінцаў да рэкордных паказчыкаў — 86% украінцаў выступаюць за далучэнне да Альянсу.