Абʼект знаходзіцца на праспекце Пераможцаў, 51/2, насупраць Камсамольскага возера і парку Перамогі.
— Цана ўсяго будынка плошчай 6585 «квадратаў» — $ 13000000 па курсе, — распавёў Андрэй Смолка, агент «Сільван-Інвест», якому даверылі продаж абʼекта.
Прадаецца і падземны паркінг на 20 машына-месцаў, цана аднаго — $ 20 тысяч па курсе.
У будынку восем паверхаў, ёсць варыянт выкупіць толькі адзін. Напрыклад, самы танны, сёмы на 317 «квадратаў», абыдзецца ў $951 000, а за пяты паверх (на 778 метраў) просяць $2 334 000 у эквіваленце.
На фота на адным з паверхаў можна разгледзець мэблю ў палацавым стылі: раскошныя крэслы, карціны на сценах, масіўныя драўляныя сталы. Андрэй Смолка патлумачыў, што мэблю можна купіць «па дамоўленасці».
У гэтым будынку знаходзяцца офісы розных кампаній, у тым ліку тут размяшчаўся галаўны офіс «Трайпл». Кампанія падала заяву аб эканамічнай неплацежаздольнасці ў 2020 годзе. Многія абʼекты, якія належалі ёй, выстаўляліся на аўкцыён.
Чытайце таксама:
Зноў выставілі на таргі маёмасць «Трайпла» на Ракаўскай у Мінску
Элітны фітнэс-клуб Чыжа за месяц патаннеў на 375 тысяч даляраў
Як Чыж і яго таемны літоўскі партнёр зарабілі мільярды на хітрай нафтавай схеме
Этнавёску на радзіме Юрыя Чыжа прадаюць, але браць пакуль ніхто не хоча
