Міжнародная федэрацыя фехтавання ўхваліла вяртанне спартсменаў з Беларусі да ўдзелу ў спаборніцтвах 2

Рашэнне набудзе моц з другой паловы красавіка, а чэмпіянат свету запланаваны ў італьянскім Мілане ў ліпені.

Прынятае рашэнне мае дазволіць беларускім і расiйскім спартоўцам удзельнічаць у кваліфікацыі да Алімпійскіх гульняў — 2024 у Парыжы, але адносна таго, каб гэтаму перашкодзіць, рашуча настроены некалькі дзясяткаў краін. Таму відавочна, што супраць гэтага рашэння варта чакаць пратэстаў.

Супраць таго, каб афіцыйна сфармаваныя ў Маскве і Мінску дэлегацыі маглі ўдзельнічаць у міжнародных спаборніцтвах нават пад нейтральнымі сцягамі, рашуча выступае і беларускі Фонд спартыўнай салідарнасці. На ягоную думку, шлях на Алімпіяду для беларусаў і расіян можа быць толькі індывідуальным — праз адкрытае і недвухсэнсоўнае асуджэнне лукашэнкаўскага і пуцінскага рэжымаў і развязанай імі вайны ва Украіне.

Чытайце таксама:

«Балі і абдыманкі з Лукашэнкам — не палітыка?» Спыталі ў сумленных спартсменаў, ці варта зняць спартовы бан з Расіі і Беларусі

Міжнародны алімпійскі камітэт не плануе здымаць санкцыі з Беларусі

МАК патлумачыў, як рэпрэсаваныя беларускія спартсмены змогуць выступіць на Алімпіядзе-2024

Nashaniva.com

Хочаш падзяліцца важнай інфармацыяй ананімна і канфідэнцыйна? Пішыце рэдактару «Нашай Нівы» ў ТГ