Меркаванні47

Валер Булгакаў: Найбольш блізкія беларусам — украінцы, а не літоўцы

Філосаф Валер Булгакаў назваў памылковай думку, якая прасоўваецца апошнім часам некаторымі інтэлектуаламі, што для беларусаў гістарычна найбольш блізкі народ літоўцы. На яго думку, найбольш блізкія беларусам — украінцы. Допіс і яго аргументацыя выклікала вялікую палеміку ў сацыяльных сетках.

«Адна з дурацкіх ідэй, якая не першы год прасоўваецца нашымі інтэлектуаламі, маўляў, «для беларусаў найбольш гістарычна блізкі народ — літоўцы». Тлумачыцца гэта больш як 600-гадовым сужыццём у адной дзяржаве. Недзе яшчэ глыбей ляжыць сапраўдны базіс такога меркавання: лічыцца, раз народы жылі ў адной дзяржаве, то яны гістарычна блізкія.

Такі падыход хібны: калі кіравацца ім, арабы і яўрэі ў Ізраілі таксама вельмі блізкія, бо жывуць у адной дзяржаве, — напісаў Валер Булгакаў у сябе ў фэйсбуку.

— Або тыя ж самыя літоўцы з рускімі, бо пажылі ў адной дзяржаве без малога 200 гадоў.

У адной дзяржаве шмат стагоддзяў жылі арабы і іспанцы, немцы і яўрэі, і не сказаць, каб гэта іх сур'ёзна зблізіла.

А хто ж тады гістарычна найбліжэйшы народ для беларусаў? — задаецца пытаннем Валер Булгакаў. 

— Натуральна, украінцы, з якімі да XV — XVI стагоддзяў у нас была адна пісьмовая мова, а яшчэ пазней — адна нацыянальная ідэнтычнасць».

«Згодны з Булгакавым», — коратка зрэагаваў доктар гістарычных навук Аляксандр Краўцэвіч.

«Я прачытаў аглядную кнігу Плахія пра гісторыю Украіны ад скіфаў да Майдану — там ніякія беларусы, Беларусь, ВКЛ, Менск, Вільня бадай што ні разу не згаданыя. Гістарычна Украіна (цэнтральная і ўсходняя) апошнія тры-чатыры стагоддзі існавала ў шчыльнай сувязі з Расіяй і расійскай культурнай прасторай, а Беларусь — з Польшчай і польскай. Карацей, пасьля гэтай і іншых украінскіх гістарычных кніг я адчуў, што мы значна далейшыя, чым гэта можа здавацца. Збліжае нас нейкі паралелізм ад пачатку ХХ стагоддзя, але і там шмат чаго больш уяўнага, чым рэальнага. Тут вельмі вялікую ролю адыгрывае мова. Яна моцна збліжае далейшае (нас і ўкраінцаў) і раздзяляе бліжэйшае (нас і літоўцаў). І гэта моцна ўплывае», — запярэчыў Булгакаву перакладчык і журналіст Сяргей Шупа.

«Пытанне толькі, хто гэтыя «мы», улічваючы, хто валодаў і карыстаўся пісьменнасцю ў XIV-XVI стагоддзях (і наконт «адной» у лінгвістаў зусім не такое адназначнае меркаванне), і якраз гэты самы палітычны і сацыяльны стан ВКЛ пазней (па Любліну асабліва, але, як паказала практыка, і да) не меў адной ідэнтычнасці са шляхтай паўднёвых зямель», — зачапіўся за адно са сцвярджэнняў Булгакава гісторык Кірыл Карлюк.

«У беларусаў і ўкраінцаў у згаданыя часы не было адзінай нацыянальнай ідэнтычнасці па той простай прычыне, што нацыянальнай ідэнтычнасці яшчэ не існавала ўвогуле», — удакладніў этнолаг Павел Церашковіч.

«Валер Булгакаў прасоўвае яшчэ адну дурацкую ідэю большай блізкасці ўкраінцаў, чым палякаў і літоўцаў. На поўначы і захадзе Беларусі разглядаць пра гістарычную блізкасць Украіны проста смешна!», — катэгарычна заўважыў святар Юрый Барок.

«У прынцыпе, так, толькі Украіна вялікая і розная, ёсць і зусім далёкія часткі, а ёсць і такія, дзе нават мяжу цяжка правесці… — пагадзіўся Юрась Пацюпа. — Але галоўнае тое, што менавіта Украіна апошнія два стагоддзі служыла ўзорам для пераймання. Пасля ўкраінскай «Энеіды» з'явілася беларуская, Багушэвіч пажыў ва Украіне і вярнуўся месіяй беларускасці, з Караткевічам адбылося тое самае… Прыклады і паралелі можна доўга пералічаць».

«Кантактаваў з украінцамі, палякамі, балтамі. Ды вось уражанне, што, сапраўды, ментальна мы бліжэйшыя да балтаў, чым да астатніх суседзяў. Уласна, нічога дзіўнага, бо нашая нацыя і паўстала на балцкім субстраце», — напісаў Алесь Барысевіч.

«Для беларусоў самы блізкі народ — вялікарусы. Што і пацвярджаецца Саюзнай дзяржавай і ў тым ліку падтрымкай агрэсіі РФ супраць Украіны, — крытычна заўважыў гісторык Алесь Белы. — А рэальна трэба казаць не пра «народы», а пра цывілізацыйныя матрыцы. Выбар фактычна толькі паміж дзвюма: Расійскай Імперыяй і Рэччу Паспалітай. Украінская вайна стала каталізатарам адраджэння Рэчы Паспалітай як рэгіянальнага блоку. Як праект, яна сёння выразна аформілася. І Літва, і Украіна туды ўваходзяць. І яны бліжэйшыя адна да адной, а таксама да Польшчы, чым любая з іх да Беларусі. Рэальная Беларусь ад усіх гэтых трох краін бясконца далёкая», — мяркуе Белы.

«Сучасны паспаліты беларус найбольш падобны да расейца», — напісаў перакладчык Аляксандр Пяткевіч.

«Палякі. А ментальна — славакі. Мо эстонцы яшчэ. Цяпер не XVI стагоддзе», — палярна мяркуе гісторык Уладзімір Шыпіла.

Каментары47

  • Cумнеуна
    26.04.2023
    Да ты шо? Я бачу толькi насьмешкi з боку усходнiх суседзяу. Зараз найбольш блiзкiя палякi i лiтоуцы. А пра векавое сяброуства, нажаль, няма што раньш было, сеньня у кожнага толькi iнтарэсы , а не сяброуства.
  • Ĺ
    26.04.2023
    Dlia biela-ruskich bližej ruskija. Dlia kryvičoŭ bližej litoŭcy.
  • не такі як ёсць
    26.04.2023
    Розніца паміж беларусамі і украінцамі велічэзная. Мо хопіць ужо нам ‘’братоў’’ шукаць?!

Са студэнткі ў Сеуле ў маму ў Мінску. Як дзяўчына адна гадуе дачку ад карэйца16

Раптоўна памёр журналіст і рэдактар «Беларусы і рынак» Андрэй Александровіч4

Лукашэнка адказаў на пытанне пра абʼяднанне Беларусі і Расіі ў адну дзяржаву12

Лукашэнка заявіў, што будзе ўдзельнічаць у прэзідэнцкіх выбарах 2025 года76

Гэтая матэматычная задача пра дзень нараджэння зламае вам мозг4

39-гадовая ўраджэнка Ірана перамагла на конкурсе «Міс Германія»22

Пятрухін пра сямейную драму падчас турмы: жонка змяніла прозвішча сабе і сыну6

«Камера ў Наваполацку менш камфортная за прылёты ракет». Як цяпер жывуць беларусы ва Украіне3

«Каб надпіс на помніку быў на беларускай мове». Беларускія добраахвотнікі пра запавет на выпадак гібелі 7

«Апішы Беларусь адным скрынам». Найлепшыя твіты тыдня3

Дзед Колі Лукашэнкі быў палітвязнем — атрымаў 25 гадоў ГУЛАГа за дапамогу «бандэраўцам»37

На рэкламных экранах па ўсёй Беларусі паказалі зварот Святланы Ціханоўскай28

Юлія Навальная: За вайну ва Украіне Пуціну трэба будзе адказаць43

Забіў куратара ад КДБ, правёў 20 гадоў у турмах — гісторыя жыцця палітэмігранта Сяргея Панамарова22

«Правераны агент «Арэф’еў»: знойдзеныя дакументы пра сексота, які сачыў за Ларысай Геніюш6

Зганяць за палову дня: што паглядзець недалёка ад Мінска. Вёска Дубрава3

Расія за два гады страціла каля 83 тысяч забітымі — аналіз статыстыкі8

«Прымушалі савакупляцца і спраўлялі на іх малую патрэбу». Як пасланыя на смерць расійскія салдаты здзекуюцца са сваіх жа таварышаў па службе14

«Алкаголь паўплываў на яе розум»: экс-прэзідэнт Манголіі высмеяў «даму з МЗС РФ»2

Украінскі беспілотнік нанёс удар па Наваліпецкім металургічным камбінаце3

Усе навіны →
Усе навіны

Актывісты «Еўрамайдана» вывалілі дзве тоны гною перад вілай расійскага пасла ў Варшаве8

На збітым у пятніцу расійскім А-50 былі 10 чалавек7

Юлія Навальная: За вайну ва Украіне Пуціну трэба будзе адказаць43

«Каб хто раскаяўся за гэта». Макс Корж у другія ўгодкі вайны прэзентаваў песню «Халодная раніца»2

Забіў куратара ад КДБ, правёў 20 гадоў у турмах — гісторыя жыцця палітэмігранта Сяргея Панамарова22

Зяленскі ў другую гадавіну поўнамаштабнага ўварвання запісаў зварот з Гастомеля8

«Правераны агент «Арэф’еў»: знойдзеныя дакументы пра сексота, які сачыў за Ларысай Геніюш6

Жыхар Кіраўска збіраўся «паставіць схаваную камеру на выбарчым участку»

Памятаеце актывістаў БРСМ, якія накінуліся на Орду падчас пікета за Лукашэнку ў 2020-м? Вось дзе яны цяпер22

больш чытаных навін
больш лайканых навін

Затрымалі супрацоўнікаў кампаніі, што абслугоўвае экраны, на якіх паказалі зварот Ціханоўскай

Галоўнае

Сапраўдная яўка на выбарах ФОТАФАКТ

Дзярждэп ЗША назваў выбары ў Беларусі фіктыўнымі2

ЦВК назвала канчатковую яўку на выбарах6

Зяленскі пра правал контрнаступу: планы Украіны былі на стале ў Крамлі яшчэ да пачатку3

110 дэпутатаў, якія трапяць у парламент-2024, — праверце спіс пасля выбараў16

Карпенка намаляваў амаль 42% грамадзян, якія прагаласавалі датэрмінова9

У Брэсце заўважылі знікненне кіраўніка аднаго з прадпрыемстваў1

Экс-палітвязень Жамчужны, які агулам адседзеў 11 гадоў, выехаў з Беларусі3

«Апішы Беларусь адным скрынам». Найлепшыя твіты тыдня3

Цела Навальнага ўсё ж аддалі маці14

Дзед Колі Лукашэнкі быў палітвязнем — атрымаў 25 гадоў ГУЛАГа за дапамогу «бандэраўцам»37

У сталовай БелАЗа на 23 лютага раздатчыц абедаў апранулі ў вайсковую форму ФОТАФАКТ19

«Калі пра гэта казаў наш рэктар — значыць так і ёсць». Журналісты паспрабавалі знайсці беларуска-расійскі падручнік па гісторыі2

«Я паўгода лячыў дзяцей пад татальным кантролем КДБ. Яны нават хадайнічалі, каб мяне не звальнялі» 3

На рэкламных экранах па ўсёй Беларусі паказалі зварот Святланы Ціханоўскай28

Жыхары Масквы нясуць кветкі да помніка Лесі Украінцы ў другую гадавіну вайны

Усе навіны →