Выйшла на волю былая настаўніца з Мёраў Эма Сцепулёнак
69-гадовая жанчына праходзіла па «справе Зельцэра», але была асуджаная за абразу Лукашэнкі (арт. 368 КК) і прадстаўніка ўлады (арт. 369 КК), нагадвае «Хрысціянская візія».
Эму Сцепулёнак затрымалі ў верасні 2021 года, калі было затрымана некалькі дзясяткаў чалавек па «справе Зельцэра». Яна год была за кратамі, але ў верасні 2022 года жанчыну перавялі пад хатні арышт.
18 лістапада 2022 года яе асудзілі на два гады калоніі і ўзялі пад варту ў зале суда.
Жанчына цалкам адбыла пакаранне і выйшла на волю.
Nashaniva.com
Хочаш падзяліцца важнай інфармацыяй ананімна і канфідэнцыйна?
Пішыце рэдактару «Нашай Нівы» ў ТГ
