Затрымалі галоўнага доктара Мінскага абласнога цэнтра гігіены і эпідэміялогіі 1
Пра затрыманне галоўнага доктара Мінскага абласнога цэнтра гігіены і эпідэміялогіі Уладзіміра Рызгунскага паведаміў тэлеграм-канал «Белыя халаты». Як сцвярджае аўтар канала, яму ўдалося пацвердзіць інфармацыю, якая раней ужо з'яўлялася ў сеціве.
Уладзімір Рызгунскі
Паводле звестак «Белых халатаў», Уладзіміра Рызгунскага затрымалі яшчэ 12 красавіка. У ягоным працоўным кабінеце прайшоў ператрус, канфіскавалі дакументы і тэхніку.
За што менавіта затрымалі высокапастаўленага доктара, пакуль даведацца не ўдалося, але мяркуецца, што гэта можа быць звязана з пытаннямі карупцыі і працоўных ставак лекараў.
