Прэм'ер-міністрка Эстоніі Кая Калас. Фота з яе інстаграма

Прэм'ер-міністрка Эстоніі Кая Калас. Фота з яе інстаграма

Выключэнне не азначае аўтаматычнага атрымання дазволу на жыхарства. Кожнае хадайніцтва будзе разгледжанае асобна, у кожным выпадку ўлады будуць ацэньваць, ці ёсць у чалавека падставы для атрымання дазволу на жыхарства, піша Delfi.

У санкцыйным рэжыме будзе зробленае вузка накіраванае выключэнне для тых, хто знаходзіцца ў Эстоніі на законных падставах навучэнцаў, дактароў, стаматолагаў і акадэмічных работнікаў з ліку грамадзян Расіі і Беларусі, якім будзе прадастаўленая магчымасць атрымаць дазвол на жыхарства для больш працяглага знаходжання ў Эстоніі.

Выключэнне ў санкцыйным рэжыме тычыцца тых людзей, якія прыехалі ў Эстонію вучыцца або працаваць да пачатку поўнамаштабнай агрэсіі Расіі супраць Украіны, здалі ўсе неабходныя экзамены эстонскай мовы або прайшлі эстонамоўную вучэбную праграму і валодаюць эстонскай мовай як мінімум на ўзроўні B2. На акадэмічных работнікаў патрабаванне валодаць мовай не распаўсюджваецца.

У 2022/2023 навучальным годзе ў эстонскіх ВНУ вучыцца 298 грамадзян Расіі і Беларусі, на якіх распаўсюджваецца санкцыйны рэжым. Выключэнне распаўсюдзіцца ў першую чаргу на тых 78 студэнтаў, якія завяршаюць навучанне па эстонамоўнай праграме.

Выключэнне для студэнтаў, якія валодаюць эстонскай мовай і заканчаюць тут універсітэт, не наносіць шкоды асноўнай мэце санкцый — абмежаваць прыбыццё ў Эстонію новых грамадзян Расіі і Беларусі, паколькі выключэнне робіцца толькі для тых, хто ўжо знаходзіцца ў Эстоніі.

Паводле звестак Дэпартамента здароўя, у 2022-2023 годзе ў Эстоніі ў якасці дактароў былі зарэгістраваныя 9 чалавек, якія прыбылі на працу з Расіі, і 6 чалавек з Беларусі, а таксама адзін стаматолаг з Расіі і 3 стаматолагі з Беларусі.

Па ацэнцы Міністэрства сацыяльных спраў, неабходна захаваць усіх дактароў і стаматолагаў, якія, прыбыўшы на працу ў Эстонію з іншай дзяржавы, ужо прайшлі экзамен на прафесійную адпаведнасць, здалі экзамен па эстонскай мове і ўнесеныя ў рэгістр Дэпартамента здароўя з правам працаваць доктарам ці стаматолагам. У гэтым выпадку краіна паходжання значэння не мае.

Чытайце таксама:

Улады Эстоніі плануюць прыпыніць удзел грамадзян Расіі і Беларусі ў мясцовых выбарах

Эстонія адклікае дазволы на нашэнне зброі для беларусаў і расіян

Эстонія амаль удвая павялічыла колькасць сіл абароны ваеннага часу

Клас
3
Панылы сорам
0
Ха-ха
0
Ого
1
Сумна
0
Абуральна
2